سلام ياخالي

[align=center]بسم الله الرحمن الرحيم[/align]
أعزائي متصفحي ملتقى قبيلة حرب الأعزاء...إليكم هذه القصيده والتي هي من الأرشيف .وقد قيلت هذه القصيدة قبل نحو(24) أربعه وعشرون سنه في تاريخ2/6/1404هجري...قلتها مدح في صديقي منذو الطفوله خالي وإبن خالي عبدالله بن محمد بن غادن(ولد شيخ شمل مخلف )محمدبن غادن حفظه الله ...
[poem=font=",4,#ff8c00,bold,normal" bkcolor="" bkimage="" border="none,1," type=0 line=1 align=center use=ex num="0,"]
سلام ياخالي ولد خالي الخال= اللي وفاء بحقوق من صار خاله
عزالله إنك خال ياطـيب الـــفـال=ونعــمٍ بخالي كــل مــاجاء مجاله
معــقودةٍ بـفعــولك أمـــال وأمـال= ياسالـكٍ درب الــشرف والـرجـاله
أنت الذي فعلك نـفـل كـل الأجـيــال=تـكرم كـرم حاتم وتـفعل إفعاله
ساس الوفاءوالطيب بك يابن الأبطال=عيال غادن ياعسى الخلد فاله
فيكم كرم للضيف مع زين الأفعال=وقت المعارك والظفر والشكاله
وأنتم هل الفزعه كريمين الأسبال=أهل الصخاء والجود وأهل والجماله
أبو فهد لاجت بالإقفا والإقبال= يرسي كما ترسي رواسي جباله
حلال قالاتٍ عريضات وطوال=عون الرفيق وسم راع الضلاله
ماهو من اللي مع هل الدار ميال=يحلها بحكم الشرع والعداله
جعل الولي يحماه من كل النذال=واللي يعادي له تصيبه بحاله
ونايف أبو مشعل للأشراف مدهال=ولأهل الكرم والطيب يازين باله
به ميزةٍ ماتوجد إبكل رجال=حب الرفيق وحب منهو عناله
وكلهم وافين ماإحتاجوا إكمال=الكل منهم وافياتٍ خصاله
وأنته يابوليلى بك الطيب مازال=فعلك به إيبين الوفاء والكماله
وفهد وخالد والنعم فيهم إرجال =نسل الرجال أهل الأصل والأصاله
وسطام لامنه حداك أشهب اللال=تلقى السعاده والهناء في قباله
وتركي كريمٍ ماخذاقلبه المال=يبذل ولاهومن ربوع النذاله
وجميع منهو يافتى الجود لي قال= تراي خالٍ لك وانا من عياله
وأطلب عن الزله سموحتك ياخال=ياوافينٍ بحقوق من صرت خاله[/poem]
عبدالله السليمي (الصقعري)

عزالله إنـك خـال ياطيـب الفـال=ونعمٍ بخالـي كـل ماجـاء مجالـه

وانا اقول

عزالله انك شاعر الحق ينقاااااال=يالصقعري صغت البيوت بجزااااااله

صح لساااانك


قصيدة جميييييييله جداااا


اعجبني سبكها

جزالتها

وزنها


تحياااااااااااااتي

ياعيسى العوفي مرحبا يابن الأبطال....عزالله إنك من رجال الشكاله
شكرآ على مرورك وماقصرت وبيض الله وجهك

الشاعر الصقعري

صح لسانك وبيض الله وجهك

والف والنعم فيك وفي خالك

صح السانك وبيض الله وجهك قصيده جزله الله يعطيك العافيه

[color=FFA500]أخوي ورقان ماعليك زود وأسعدني مرورك[/color]

جريح الفرقاء صح بدنك وأسعدني مرورك

صح لسانك على هالقصيده العصماء
وخوالك يستاهلون كل علم طيب
ونعم بالخوال والبناخي
تقبل تحيتي وتقديري00

[size=4]ونعم فيك مليون والله لايهينك أخوي نداء[/size]

[align=center]

[glow=ffffff]
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك[/glow]


[/align]