قـبـيـلة حـرب الـكـويت و....( الوطن , والأدب , والثقافه ).....

[align=center]بسم الله الرحمن الرحيم
السلام عليكم ورحمة الله وبركاته
في تاريخ 17 / 2 / 2008م.
إحتفلت قبيلة حرب الكويت في ملتقاها الأول الرسمي .( وطني , أدبي ثقافي ).
وشاركت بما جادت به قريحتي , إليكم الأبيات...

[poem=font=",5,#0000ff,normal,normal" bkcolor="" bkimage="" border="none,1," type=1 line=0 align=center use=ex num="0,"]
حن الرعد وأبرقت والخير قافيها=وهلت عليّه بكورٍ من مناشيها
نوادرٍ تحيي الماضي وهو عايش=ماهيب ماداني الفرقا وطاريها
من شاعرٍ لإستجاب لدعوة الهاجس=يتل الأذواق في قافه ويرويها
واليوم ياأخطف الألباب وأطربها=ولا بلاش القصيده ياقوافيها
سلام ياحرب ياأهل العز والهيبه=سلام ياللي على العليا مواطيها
سلام ياأهل الكرم والجود والطيبه=سلام ياصل لقاصيها ودانيها
جينا نجدد تواصل حرب ونواصل=مسيرة المجد ونثبت مباديها
وإن كان للدوله إحقوقٍ نقدمها=جينا وكلٍ معه روحه ويهديها
للدار والحاكم وشعبه وزواره=عادات ربعي بحاضرها وماضيها
وصباح الأحمد له الأمر ولنا الطاعه=شعبه تحت ظله ودولته نفديها
ويومنها بالفعل والسيف والشلفا=لنا مسيرة فخر ياطيب طاريها
لنا ثلاثه لو بتنشد بتعرفهم=كل القبايل من أولها لتاليها
إمثبته بالإدله والولي شاهد=ماقد حصل مثلها من طيب مافيها
قصة نويشي عسى مثواه للجنه=تعطيك نبذه عن الخوه وراعيها
يومه فقد صاحبه سبة بني عمه=ما قال ذولا بني عمي وأخليها
سته ذبحهم تحت سيفه بلارحمه=من غير يمنى بحد السيف معطيها
وقصة دخيل البلالي مع ولد جاره=تشيّب عيون سامعها وقاريها
معاه أمانه وأمانه دينها كايد=وقال الأمانه لو براسي أوفيها
وحدوه ثم قال راسي لأجلها فدوى=لكن يرجع ولدها بين أياديها
وقصة إبن ناحل اللي ماخفى ذكره=يصبح الأذن بالطيب ويمسيها
يوم إحتذاه الرجل من دون لايكسب=عطاه والنفس بالطيبه مضريها
هذي مواقف لحرب وحرب حرابه=عافه لذيذ الكرى منهو يعاديها
من ماضي الوقت بالوقفات والشده=ناقف وعدواننا ناطا علابيها
حنا هل الدين وأهل العرف والعليا=منزحين القبايل من أراضيها
وحنا هل الخيل وإسمع عمر بأبياته=ابيات في وصف معركته مسويها
(يقول عمرو لنا والخيل مسرعةٌ=تحت الكماة وقد جالت عواديها
مهلاً لك الخير لاتفعل فقلت له=إقُصر فأن مميت النفس محييها
همزت مهري برجلي ثم قلت له=إذهب إليهم فقد سارت بما فيها)
حربي وربعي قبيلة حرب حرابه=تشهد لنا الترك والروم وضواحيها
حربي وإذا قلت حربي رافعٍ راسي=ياكم روسٍ بأيادينا نوطيها
حربي ولي الفخر لاقيل يالحربي=ياكم سجدة شكر لله مصليها
والحربي إليا نخيته تبشر بفزعه=حاجتك مايرقد إلا لك مقضيها
والحربي إليا سطى وقته على حاجه=ما قال للي معاه الحاجه أبغيها
لو كان حاجته دون الموت عايفها=النفس قدام حاجاته يبديها
ياحرب قلت القصيده في معاليكم=قبيلة يفخر الشعر بمعاليها
وانا بن طريّف اللي لاقضى حاجه=ماتقبل النقض لامن صار قاضيها
دعوني وجيت والدعوى لها قيمه=ولاني ولد حرب لو ماكنت ألبيها
يجذبني الطاري وتدفعني حميه=والروس دون الحميه ويش داعيها !!
أطوّع الشارده وأغطي الفارع=وأدور النادره وألقى وأغنيها
ودام القصيده بربعي حرب ياربعي=أطيّب قصيده بشعري في معانيها [/poem]

وسلامتكم[/align]

صح الله لسانك
ولاهنت
وسلم فكرك وبنانك
دمت برعاية الله وحفظة

ماشاءالله

بيض الله وجهك ثم بيض الله وجهك

وصح الله لسانك ملاييييين

الأخ الشاعر عبدالعزيز السبيل

شكراً لك على هذا الأبدااااع الراااائع

تقبل اجمل التحايا

ودمت ودام ابداعك

تقبل اجمل التحايا

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

[frame="10 80"]صــــــــــــــح لســــــــــــانــــــــكـ

الشاعر /عبدالعزيز السبيل

ومشكور على القصيده الرائع


لاهنت[/frame]

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

[frame="1 80"][align=center]
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك
[/align][/frame]

[align=center]
,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي[/align]

صح لسانك ..
..
أسجل اعجابي بالقصيدة
..
ويعطيك العافيه ..

صح لسانك

وافيه يا وااااافي

لاهنت ولا فض فوك


لك التحية