قصيده من نايف الحبلاني والرد من عايش الرشيدي

هذه قصيده لنايف الحبلاني موجهه الى الشاعر عايش الرشيدي
واليكم القصيده وردها
هذه قصيدتي(نايف الحبلاني)
[poem=font="Simplified Arabic,5,,bold,italic" bkcolor="transparent" bkimage="" border="double,4," type=2 line=0 align=center use=ex num="0,black"]
سـلام وافــي مالفـتـه العـذاريـب=مـن قلـب منبـع للوفـا والرحـابـه
ينصى الصحيب اللي من اغلى الاصحايب=اللي علـى المعـروف يشعـب ركابـه
عايش زبون العرف والصدق والطيـب=رجـال خيّـر مـن حمـولـه ولابــه
له منصبـه بالشعـر بيـن المناصيـب=شاعر وتخضـع لـه حـروف الكتابـه
بعـد السـلام ارتـب العلـم ترتـيـب=اللـي تكفـل بـه هجوسـي وجـابـه
العلم ياعايـش ماهـي فرقـة صحيـب=والا خويـا يشتكـي مــن ماصـابـه
العلم اشـوف الوقـت كلـه مضاريـب=شـوه جـداره مـن ضخايـر شبابـه
اللي علـى نهـج الخواجـه محاضيـب=نهـج الخـزا كلـه ورمـز الخـرابـه
ناس علـى وسـق المياعـه رواكيـب=يومـن للاهـل العـرف قـدر ومهابـه
انعـم واحـن مـن البنـات الرعابيـب=يـوم الرجولـه تقـتـرن بالصـلابـه
الكـل منهـم مكتسـي كسـوة العيـب=من مقدمة راسـه ليـا اطـرف عقابـه
بنطـال للركبـه وبـوت وشـراريـب=والكاب مـن عقـب الغتـر والعصابـه
وقصّات للشوشـه وبعـض الاساليـب=احكـي بـشـي وشــي ماينحكـابـه
احكـي بماشفتـه لا شكـه ولا ريــب=كـلاً مـن التقلـيـد بـالـغ نصـابـه
قلتـه ولا دري وش تشيـل الدواليـب=مـن شـي بـالادراج ماحـدً درابــه
مشغـول واحدهـم ولا شـي مكاسيـب=ويفضحك بين النـاس لا ظهـر جوابـه
ماتفرقـه لا شيـف بيـن الاجانـيـب=واكبر ياعايش من ( ماقولـة ) تشابـه
عن منهـج الاجـداد راحـوا مجانيـب=نهـج النبـي المصطفـى والصحـابـه
حتـى النصايـح لا دفعتنـا المواجيـب=مايقبلـون النـصـح لا فــك بـابـه
كـلاً عيونـه مثـل روس المشاهيـب=لا سمعـوا الناصـح ومـن حـر مابـه
قـوم( الكبتشينـو )حفـاف الاشانيـب=وسط ( الكوفي ) جليّس مثـل العصابـه
وقبل الفجر لا جـوك مثـل المصاويـب=مـن العنـا كـلاً مضـيّـع صـوابـه
ولا اذن لفرض الفجـر مافيهـم مجيـب=صاروا ياعايـش مـع هليهـم طلابـه
وان روّحوا للفرض راحـوا مغاصيـب=ولا دري عن اللي قام فرضـه غصابـه
والله لا جونـي مثـل ذولـي خطاطيـب=لا سري بهم فـي ليـل مـا ينسرابـه
هـذا وانـا كلّفـت شيـخ المنـاديـب=ابو طلال اللـي مـا خـاب الرجـا بـه
رجـال لـه هيبـه وقـدر ومحاسيـب=عنـد البعيـد مـن العـرب والقرابـه
زميـل عايـش ذيـب ومخـاويً ذيـب=والذيـب ذيـب سلالتـه مـن ذيـابـه
يوم الربوع وقبـل مـا شمسـه تغيـب=ياخـذ ماسطّـر بـالـورق بالنيـابـه
يعطيـه عايـش والليالـي تجـاريـب=والفعل للأهـل الفعـل مـا بـه غرابـه
يالله عسـى يلقـى حلـول وتطابـيـب=يومـن وجـه الشـر رافــع نقـابـه
واليوم عايـش كـان جتـه المكاتيـب=اللـي معـه يوميـن يرسـل جـوابـه
ـــــــــــــــــــــــــــــــــــــ[/poem]
هذا الرد من عايش الرشيدي
[poem=font="Simplified Arabic,5,,bold,italic" bkcolor="transparent" bkimage="" border="double,4," type=2 line=0 align=center use=ex num="0,black"]
يامرحبا ترحيب محفـوف بالطيـب=من واحدٍ بالوقت حاسـب حسابـه
ترحيبـةٍ للـي يعـرف المواجيـب=نايف ولـد غانـم عزيـز جنابـه
من ساس ناسٍ للمعـادي عواقيـب=وللجار مثل الغيـث رش السحابـه
ومن بعدها يامرسلن لـي مكاتيـب=قصدك عرفتـه ياصريـح الاجابـه
العمـر يانايـف دروس وتجاريـب=والخير لهل الخيـر مفتـوح بابـه
اصبر شوي وتطلع الشمس وتغيب=وتشوف وش ناتج زمـان الغرابـه
وقتٍ مضا ما صار بالامـر تنقيـب=والوضع هادي ماستدار الرحـا بـه
واليـوم والله غثربـاً المشاريـب=مدري زمان العولمه وش جرى بـه
يامقلديـن الغـرب وش الاساليـب=اسلوبكم مرفوض محـدٍ مشـا بـه
من شب في طبعٍ على طبعه يشيـب=ومن طاوله شـره نحـاه وغدابـه
بان الخلل مافيـه شـك ولا ريـب=بـان الخلـل فيكـم وكشَـر بنابـه
مـا باقـي الا تشتـرون اللعابيـب=ماظنتـي فيكـم عقـول ولبـابـه
كان المواعظ في بعض ناس ماتجيب=والنصح ماجابه وبـان الـردا بـه
ودك تحـط اشكالهـم بالسراديـب=حتى يفارق طبعه إللـي ضـرا بـه
وان ماصحا يجلد بخضر المشاعيب=من شان بجنوبـه تبيـن الاصابـه
وضحا نضيعهم بوسـط الاجانيـب=لبَاسـة البكلـه صورهـم تشابـه
الحق حق ولا عن الحـق تجنيـب=هذا صحيـح الحـل هـذا صوابـه
يازين هرج الصدق عكس الاكاذيب=وراع الوفا معطيه ربـه مهـا بـه
ومن بعدها المندوب عساه مايخيـب=الله يبـارك لـه بسعـيٍ سعـابـه
ابو طـلال ليـا نخينـاه مايغيـب=رجال لادارت ضحـى ينتخـا بـه [/poem]

صح الله السنكم
قصيده رائعه ومجاراه اروع
سلمتم على ابداعكم الجميل والراقي
لا عدمناكم
وفقكم الله

صح لسانك


قصيده رائعه وتستحق الاعجاب

صح لسانك ولسان الشاعر عايش الرشيدي

والله يعظيك العافيه

جزلات لاهنتو

تسلم اخي نايف على القصيده
تحياتـــــــــــــــي

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

صح لسانك اخوي/نايف الحبلاني و بيض الله وجهك قصيدة جزله ,,, و لاهي مستغربه عليك
و صح لسان الشاعر الرشيدي

[align=center]صح الله السنكم ، وبيض الله وجيهكم

قصيده رائعه ومجاراه اروع

وفقكم الله[/align]

اخواني
البلادي الحربي
لهيب
ابو روان النويمي

يعطيكم العافيه
ونورتم الصفحه بمروركم العطر

اخواني
راعي الحناكيه
البشري الحربي
فارس عوف
ولد المقرح
يعطيكم العافيه
ونورتم الصفحه بمروركم العطر