رام المنيـــــــفه

[align=center]السلام عليكم ورحمة الله وبركاته
اعتذر عن هذا الانقطاع
وهذه مشاركتي في مسابقة السامر بمناسبة مرور خمسين عام
على تولي صاحب السمو الملكي سلمان بن عبدالعزيز إمارة الرياض
اتمنى اتحوز على رضاكم واعجابكم
[/align]
[poem=font=",5,,bold,normal" bkcolor="" bkimage="" border="none,1," type=0 line=0 align=center use=ex num="0,"]

عز الرياض وعز وادي حـنيفه = وعـز الامـاره والامـور العظايم
عدل الحـكم سلمان بالعز ريفه = خمسـين عـام ٍ كـل ابـوها غنايم
تبصر بعدله عـيـن حـي ٍ كفيفه = المجد له والطـيب والعز دايـم
العدل كامل مارضـى بـالنصيفه = ولا يستمع لاهل الحسد والنمايم
دايم تشوف الشعب داخـل مـضيفه = واللي ظلم ينرد عنه الظلايم
سلمان عز اللي حيـاتـه كـسـيفه = كم واحد خلاه فالخير عايم
من جاه حصّل كل كلمه لطيفـه = تعمر نفوس الشعب لو هي حطايم
له منزل بين الجبال الـمـنيفه = ماياصله ياكود راع العزايم
رام المنيفه مارضى بالوصيفـه = واستبشرت فيه الرياض بنسايم
استبشرت فيه الرياض العفيفه = و استيقنت في حظ ماهو بنايم
يابختها حازت مكانه شريفه = وغاظت قلوب من حسدها خرايم
عسى السـمو و العز دايم حليفه = وعسى دروبه كل ابوها نعايم
ابيات شعري فيك ماهي ضعيفه = اسمك يعز بيوت شعر هدايم
يالله يامنشي المزون الكثيفه = ياللي عبادك بين داعي وصايم
تعطي امير العز بيضا الصحيفه = يالله يا محي العظام الرمايم [/poem]
[align=center]وسلامتكم
تقبلوا احترامي
اخوكم[/align]

اخوي عبد الرحمن صح لسانك

وبيض الله وجهك

واتمنى لك التوفيق

تقبل مروري
أخوكـ
حمود الجابري

صح بدنك اخوي حمود

ووجهك ومرورك اسعدني

تقبل احترامي

اخوك

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

صح بدنك اخوي عاشق الصمان

شكرا لك على تواجدك

تقبل احترامي

اخوك

صح لسانك وسلم بنانك



قصيدة رائعه بروعة حضورك



لك تقديري

صح بدنك اخوي فيصل

اسعدني مرورك

تقبل احترامي

اخوك

عز الرياض و عز وادي حنيفه


صح لسانك و بيض الله وجهك

فارس عوف

صح بدنك

شاكر لك مرورك

الشاعر:عبدالرحمن السعير

صح لساتك على هذه القصيده الجزله

وبيّض الله وجهك يالذيب

تقبل أحترامي