يابدر مالي بالمقفين غايه

يابدر مالي بالمقفين غايه=ولاأتبع المقفي ونفسي رفيعه.
أخوك من كثر الأصاحيب تايه=يشري رجال ولايدور صنيعه.
من مد يمنى الطيب دور رضايه=ومن مد يسرى عكس نهج الشريعه.
قطعت حبل الوصل عنه نهايه=أبقطعه واللي سواته قطيعه.
خله يولي وحقره من بدايه=يلقى صحيب مشابهه بالطبيعه.
الصاحب اللي مايبين وفايه=ولاأثمربه المعروف والله لبيعه.
ماهي شفاقه وانا ماني بتايه=أن جات للأصحاب ملي الوسيعه.
تلقى ونلقى تلقى كلن برايه=من ساق رجله مايضيع رجيعه.
هذي حقيقه والحقيقه روايه=مفروضة" على الاوادم جميعه.
ولا الشكاله معتبرها هوايه=أمشي على هوني ونفسي وسيعه.
لاضاق بالي ولا كلت خطايه=مهما يطول الدرب ماهي ذريعه.
هذي وصيه كان تبغى الوصايه=والهرج واجد لاتضيع رفيعه.

حمود الجابري

صح السانك مليون ياحمود

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي

صح لسانك أخوي حمـــــــــــود

صح لسانك


عبرت وأجدت


تحياتي وإعجابي

بن هديبان صح بدنك واشكرك على المرور

ابو روان صح بدنك والله يعطيك العافيه

صح بدنك اخوي فارس عوف

صح بدنك ماجد تركي واشكرك على المرور

صح السانك مليون ياحمود

قصيده رئعه