لو كان مالك يارفيقي مواجيب / كبيت معروفك وكنسلت دوره

لوكان مالك يارفيقي مواجيب
كبيت معروفك وكنسلت دوره
ياتعتلي للنايفه والمراقيب
والاتدور لك رفيق تزوره
الطيبه مامن وراها عذاريب
تجوزلك والا عساها مشوره
ان سنعت حالك تراها مكاتيب
وان روحت مالك بعدها ضروره
وش حدني للي يحذف المشاهيب
وانا على سلم العرب ومحذوره
امشي على وضح النقا خالي العيب
صافي ضمير ولاتعودت جوره
اللي لفاني ماله الا التراحيب
واللي قطعني ماطلبنا حضوره
مالي عليه ايدين والا كلاليب
الا سلام الله بحزة مروره
من عادتي مالحق رفيقي عذاريب
لو كان فيه من الزلل مايدوره
ان جاء يامرحب فاله الخير والطيب
غالي وله قدر ومكان يزوره
افرش له بساط الكرم حق واجيبب
واكمل وجوبه وراعي اموره
خوف اني اقصر معه يوم ماصيب
ويلحقني المنقود والا معذوره
هذي هي سلوم العرب والمواجيب
ياللي نسيت وتحسب العرف كوره


عبدالعزيز مناور الرويثي الحربي

من عادتي مالحق رفيقي عذاريب
لو كان فيه من الزلل مايدوره

ياسلام يا عبدالعزيز ابداع كالعادة

	المشاركة الأصلية كتبت بواسطة بخيتان البشري

	من عادتي مالحق رفيقي عذاريب لو كان فيه من الزلل مايدوره ياسلام يا عبدالعزيز ابداع كالعادة

الابداع مرورك وتواجدك يابو محمد

ماعليك زود طال عمرك

عبد العزيز
صح الله لسانك

	المشاركة الأصلية كتبت بواسطة سعد المحمدي

	عبد العزيز صح الله لسانك

صح الله بدنك اخوي سعد

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي

صح الله بدنك وماعليك زود طال عمرك

ووجهك ابيض

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله بدنك اخوي فهد

وماعليك زود يالامير