صاحبك لامن بغيته بالمعزه ثم لقيته

قريب لي ذكروا لي انه يقول الشعر ويتخفى وكان مسير علي وطلبت منه ان يطلعني على شىء من كتاباته وفعلا ارسل لي ابيات وردينا عليه...


ابيات قريبي




يا سلام الله على اللي ثمن الجيه وجيته**خالي جعل الله يديمه على الطيب ويعزه




منهجك ثابت وواضح ان كتبته وان قريته**لو تهز الريح ضلعان المتايه ما تهزه




والشعر دربه طويلن واكثره ما قد سريته**لو يقول فلان تمشي قلت له بمشي وألزه




والمسافر وان نشدني عن كتاب(ن) قد قريته**ليه رادوا للمهونه عقب عاشوا بالمعزه




واللي ناوى للرحيل قد نصحته وقد نهيته**بشامهم قطاع روؤس يقطع الرأس ويحزه




وصاحبي علمه صميل ووافي(ن) ذكره وصيته***لكن ابليس اللعين لا توحد به يوزه

ردي ومجاراتي





مرحبا وأهلين فيكم في كلام(ن) لك بديته***مرحبا ماحل ذكرك كل وقت وكل حزه




مرحبا ماهل مزنن له بروقن ضاح ليته*** لجنابك من خفوقي عبر الواتس لك نكزه




مبحر(ن) بالشعر توك ولا ألومك لو هويته***الشعر سحر البيان والمشاعر لك تدزه




وكل عالي بالمعالي لا أرتفع صيتك رقيته***عالين بالطيب ذكرك وللصغائر بك تنزه




ودام عزك يا وطنا في حياتك لو فديته***والوطن نحمي حدوده ونفضخ عيونن تخزه




والرجل دون عرضه ودون ماله ودون بيته***يفتدي داره بروحه وللمعالي فيه فزه




ومن بغى له غير ذالك ما نلومك لو عصيته***أرشده للخير دايم وأنصحه للخير هزه



وصاحبك لامن بغيته بالمعزه ثم لقيته*** اذخره للوقت صاحب وأشهره للناس رزه

شعراء جزلين

صحت السنتكم

صحة السنتكم جميعاً .

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحت السنتكم

صحت السنتكم على الكلام الجميل