كيف العزاء بين الرجال الميامين = ياللأسف أصبح مجرّد رساله

بسم الله الرحمن الرحيم

هذه القصيده كتبتها قبل يومين ومناسبتها ان بعض الاصدقاء يرسل التعزيه في حالات الوفاه عن طريق رساله بالواتس ولا يكلّف نفسه الحضور او الاتصال للأسف الشديد وكتبت فيهم هذه الابيات .

[poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]

بسم الله اللي أنزل الشرع والدين = الواحد الرحمن جلّ جلاله

سقت الحروف اليوم حسب القوانين = من طيبها الطرقي ينوّخ جماله

دنيا وعشناها على العسر واللين = منها تعلّمنا سلوم الرجاله

ولجل القرايب نرخص الروح والعين = وعن واجبي ما قلت مالي وماله

ولجل الوفاء سقنا عالبيد رجلين = نوفي مع الوافي ونجني وصاله

وياكم من صنوف البشر شافت العين = وشفنا على مر الزمن كل حاله

والصاحب اللي ماعرف قدرنا زين = ماهمّني لو كنت عمّه وخاله

نقصه على نفسه ويلقاه بعدين = اللي عن الواجب تقصّر حباله

كيف العزاء بين الرجال الميامين = ياللأسف أصبح مجرّد رساله

بالواتس تُرسل ماتكلّفه قرشين = حرفين يرسلها بنسخ وعجآله

أشره على بعض الرجال العزيزين = ينسون واجبهم بليّا جهاله

ومن هو زعل من كلمتي والعناوين = يمسح رقم جوّالنا من خلاله[/poem]

ناصر بن مصلح الاحمدي الحربي

صح لسانك وعتلا شانك
اخي ناصر الاحمدي
حظور العزى اجر عظيم يوجر عليه المسلم
ومن الواجب اذا كان العزى في نفس المنطقه الحظور
ما اذا كان بمنطقه اخرى يشق على الواحد السفر يكتفي بالاتصال
لكن رساله الوتساب خطاء كبير الا في حاله لم يتمكن من الاتصال بعدم الرد
او ماشابه ذلك

	المشاركة الأصلية كتبت بواسطة سعد المحمدي

	صح لسانك وعتلا شانك اخي ناصر الاحمدي حظور العزى اجر عظيم يوجر عليه المسلم ومن الواجب اذا كان العزى في نفس المنطقه الحظور ما اذا كان بمنطقه اخرى يشق على الواحد السفر يكتفي بالاتصال لكن رساله الوتساب خطاء كبير الا في حاله لم يتمكن من الاتصال بعدم الرد او ماشابه ذلك

شاعر حرب المبدع سعد المحمدي

صح بدنك وسلمت كلك يابن العم

وكلامك صحيح بيض الله وجهك ولا حرمنا الله منك

شكرا لك ولمرورك الجميل دائماً

الشاعر / ناصر اﻻحمدي
صح لسانك وعتلا شانك
والشرهه ﻻ تاتي اﻻ من محبه

	المشاركة الأصلية كتبت بواسطة عامر الحربي

	الشاعر / ناصر اﻻحمدي صح لسانك وعتلا شانك والشرهه ﻻ تاتي اﻻ من محبه

صح بدنك اخي عامر وسلمت كلك يابن العم

وكلامك صحيح العتب لا ياتي الا من محبه

شكرا لك ولمرورك الجميل اخي الفاضل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلمت كلك

ووجهك ابيض

شكرا لك ولمرورك الجميل اخي الفاضل

صح لسانك وعتلا شانك

	المشاركة الأصلية كتبت بواسطة صلاح الحيسوني

	صح لسانك وعتلا شانك

صح بدنك وسلمت كلك

شكرا لك ولمرورك الجميل اخي الفاضل

أشــره عـلـى بـعـض الـرجـال العـزيـزيـن=يــنــســون واجــبــهـــم بــلــيّـــا جــهــالـــه
......................................
صح لسانك يابو مشاري
قصيده رائعه
................
والله يصلح الحال