على الحصني وبندر العوفي

[poem=font=",4,,bold,normal" bkcolor="" bkimage="" border="none,1," type=0 line=0 align=center use=ex num="0,"]
بندر العوفي=
من ديار الصحابة والرسول الحبيـب=أبتدي بالسـلام اللـي يعـم العـرب
يا أبو فارس بسولف وآبَودي واجيب=من هجوس ٍ تنقّى من كنوز الذهـب
علي الحصني =
من ديار الرجـا ل مطوعيـن الصعيـب=مرحبـا بلاديـب الـي يحـفـض الادب
كا ن هرجن تسولـف فيـه ماهوغريـب=أعتبرتك سـوات العيـن تحـت الهـدب
بندر العوفي=
يا علي كل واحد ماله ألا النصيـب=لوّ تطلع براسه نخلتيـن ورطـب
ما أكره إنك تصير إمام والا خطيب=بس خايف تجيب العيد وقت الخطب
علي الحصني =
يوم شفت الحمامه فوق غصنن رطيب=قلت ياوجد حالـي يازمـان الطـرب
أكبر الشاعر أبـو نـاب ولاعضيـب=ياحفيد الشيـوخ مجوزيـن العـزب
بندر العوفي=
دام سرحان يعوي بين ضلع وشعيب=أسترح فالمجالس جنب ذاك المشب
لو بكبر العمر يمديك فارس حريـب=بس هي بالشطارة يا عريب النسب
علي الحصني =
انت واحد من العوفان مانته بذيب=لوتبى تشب نارك مانت لاقي حطب
ما لحقني حسوف ولاغدالي ذهيب=مار قدم يمينك لن بغيـت الشبـب
بندر العوفي=
أنت حصني تقلّد عوف تقنب قنيـب=مير عنّك بعيده يـا طويـل الذنـب
كف بندر ما تبا ألا الشحم والعصيب=والسمينه ما تيجي من كفوف العضب
علي الحصني =
عوف نعم الرجال مدلهين الغريب=نعرف المنتضم بدرس والمنتسب
ياهجوسن تزايد ماقربلي حضيب=يو بعض الرجال يلا تكلم غضب
بندر العوفي=
ما نشدناك لو حنا جهلنا العريـب=عارفين الدخيل اللي يدور الحسب
أنت أضنك مكثّر من عصير الزبيب=ما على بعض غلطاتك ملام وعتب
علي الحصني =
بندق الرامي الماهـر تراهاتصيـب=من تصيبه أطرحته من سمعها هرب
الترك الشعرعنك الشعر يبغى لبيـب=حطلاك شاشتين وتابـع المنتخـب
بندر العوفي=
أشهد أنه .. من الضربه جريح وصويب=مرخي أذنيه .. يحبي فوق روس الركـب
هرجة الخصْم .. ما تقبل عليها (×) صليب=حامض .. ايقـوله اللي ما يطول العنـب
علي الحصني =
كيف تنناب غيرك ونت له ماتنيـب=قوم فتل شنبك يلا طلع لك شنـب
كل مازان ممشاها شعبها شعيـب=من كسب ماخسرولي خسر ماكسب
بندر العوفي=
الهقاوي لا جات فغير أهلهـا تخيـب=منت صاير مثل عثمان يا أبو لهـب
الحقيقة يا حرب الشمس حول المغيب=الضياء عقب صياف اختفى وأحتجب
علي الحصني =
الهقاوي بعيده ونـت شاعـر رهيـب=تستحق الزياره فـي نهايـة رجـب
كان ماشفت ما بل الكون شوفك عطيب=لوسمعك السحيمـي قالـك ياعجـب[/poem]

راعي البل مشكور وهاذي المحاوره
اعتز فيها وبندر العوفي شاعر له مستقبل لو واصل ويا ليته يواصل
ولاكن اختفى من الشبكه

ألف شكر على المحاوره
بارك الله فيك
يعطيك العافيه ...
تحياتي .

[align=center]
الله يـعـطـيـك الـعـافيـــــــــــة

بيض الله وجهك

[/align]

الله يـعـطـيـك الـعـافيـــــــــــة
ألف شكر على المحاوره

يعطيك العافية ، و صح ألسنت الشعراء

و ياليت تفيدوننا عن الشاعر/ بندر العوفي

أختفى منذ وقت طويل

[align=center]
الله يـعـطـيـك الـعـافيـــــــــــة
[/align]

ألف شكر على المحاوره

الله يـعـطـيـك الـعـافيـــــــــــة

[blink]مشكور على النقل يعطيك العافيه

وصح الله السنت الشعار وبيض الله وجيههم

تقبل تحياتي

ودمتم بخير[/blink]