صمت أنتظار - علي المفضي

قصيدة مميزة للشاعر الكبير: علـي المفضي الحربي



[poem=font=",5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صمت انتظار... اهات عبرات اماني= طول احتمال وضحك صد ونسيته
ونجمٍ رقا لاعلى مكان ودعاني =واخترت اعز من المكان ورقيته
نصف الطموح الهش ما هو مكاني= وكان اشتهاه القلب بيدي كويته
ماهوب قلبي كان ساير زماني = ولا نيب انا راعيه كان اقتفيته
انا كبير امال انا شخص ثاني =وصلت راس المستحيل وحنيته
حلمي بحر مفتوح ماله مواني =مالد في شي يبيه ونهيته
ماكنت غير اللي يقوله لساني = والي وقفت بدربٍ ابيض مشيته
كم عفت لاجل العز داعي هواني= والنور بافراح الليالي شريته
وانا طفل ظل الفرح يوم جاني =كفنته بنظرة وقار ورثيته
عن تافه الضحكه طريقي خذاني = وانا حضنته بالغلا واحتويته
اتعب؟ نعم واظما واجاهد واعاني= والى فضحني لون وجهي نفيته
واحن للراحه واكذّب بياني = وان مر سرّي في كلامي محيته
حتى نطق شعري بيوم ورواني = قال الكلام اللي بروحي طويته
ولقاه غيري في حديث المعاني = اللي عجزت اقراه لكن حكيته
قال الفرح بدروب اغانيك اماني= والضحك من كبر احتمالك نسيته[/poem]