ياديرتي لو ان فيك القوايل

]بسم الله الرحمن الرحيم
أهدي اليكم هذه القصيده ارجو ان تعجبكم :
..

ياديرتي لو ان فيك القوايل=
= باالقيض لاهوبك مثل لاهب النار
ماني مدور فيك دار بدايل=
= انتي هواي ومغرمن فيك يــــادار
مادام باقي من رسومك سمايل =
=انتي بعيني دايم اشوفك اخيار
يادار ياما عاش وسطك حمايل =
= زمل الثقال اللي بهم يدله الجـــار
اهل الاعمه واللحى والفعايل=
= واهل التسامح والتأخي والايثار
واهل العطايا والمنح والعدايل=
=واهل العباده والتضرع بالاسحار
واهل التكاتف في زمان الهوايل =
=حمايلن ماتقبل الجــــور والعـــــار
ربعي حزامي والتجارب دلايل=
=ماني مبدلهم ولو صــار ماصـــــار
ولا طيعكم ياناقلين النقايل=
=يرفض وفايه والوفا طبع الاحــرار
وأنا سمعت من اولن بالمثايل =
=رجل بلا ربعـــــه على الغبن صبــــار
ويادارنا يادار أهلنا الوايل =
=أغليك واغلي من سكن فيك يادار
عسى السحاب اللي ثعوله همايل=
=يلوح براقه من الضلـــع ويســــــار
يهل هماله صدوق المخايل=
=من مدلهمن تالي الليل سمار
يأخذ عليك اربع ليالن فضايل=
= واربع مع اربع واربع وبل وامطار
ومثل البحر واديك بالسيل عايل=
=ومن عقبهن تطلع بساتين وازهـــار
ويادارنا يادار اهلنا الوايل=
=الرزق عند اللي خلق خلقه اطوار

سليمان فلاج المعيلي

	المشاركة الأصلية كتبت بواسطة ألمعيلي

	بسم الله الرحمن الرحيم أهدي اليكم هذه القصيده ارجو ان تعجبكم : . . ياديرتي لو ان فيك القوايل ..............باالقيض لاهوبك مثل لاهب النار ماني مدور فيك دار بدايل ..............انتي هواي ومغرمن فيك يــــادار مادام باقي من رسومك سمايل ...............انتي بعيني دايم اشوفك اخيار يادار ياما عاش وسطك حمايل ..............زمل الثقال اللي بهم يدله الجـــار اهل الاعمه واللحى والفعايل ..............واهل التسامح والتأخي والايثار واهل العطايا والمنح والعدايل ..............واهل العباده والتضرع بالاسحار واهل التكاتف في زمان الهوايل ..............حمايلن ماتقبل الجــــور والعـــــار ربعي حزامي والتجارب دلايل ..............ماني مبدلهم ولو صــار ماصـــــار ولا طيعكم ياناقلين النقايل ..............يرفض وفايه والوفا طبع الاحــرار وأنا سمعت من اولن بالمثايل ..............رجل بلا ربعـــــه على الغبن صبــــار ويادارنا يادار أهلنا الوايل ..............أغليك واغلي من سكن فيك يادار عسى السحاب اللي ثعوله همايل ..............يلوح براقه من الضلـــع ويســــــار يهل هماله صدوق المخايل ..............من مدلهمن تالي الليل سمار يأخذ عليك اربع ليالن فضايل ..............واربع مع اربع واربع وبل وامطار ومثل البحر واديك بالسيل عايل ..............ومن عقبهن تطلع بساتين وازهـــار ويادارنا يادار اهلنا الوايل ..............الرزق عند اللي خلق خلقه اطوار سليمان فلاج المعيلي

نص رائع جداً

صح لسانك مليون شاعر متمكن يسلم إحساسك العذب على هـ الرائعه

بِـ إنتظار القادم : )
لك مني اجمل تحيه وتقدير دمت بخير وسعاده

قصيده جزله يالمعيلي بيض الله وجهك

الشاعر الجزل
سليمان فلاج المعيلي
صح لسانك وعتلا شانك قصيده جزله من شاعر جزل
من الؤكد انه من الشعراء الذي يستحقون المتابعه
من أصحاب الشعر الحقيقي
لله لله لله
درك من شاعر جزل جزل
اخي الطيب بالطيب يذكر ذكرتني في بعد الجماعه
والحنين على الديار وهاذ القصيده من الارشيف

النفـس لـدار وأهـل الـدار تواقـه = احبهـم حـب ماحـبـه ولاأنسـانـي
القلـب لبطيـت قـام يزيد دقاقـه = والدم الأحمرتوقـف وسـط شريانـي
أحبهـم حـب راعــي ذود لنيـاقـه = تلايد أمـراح مـن تاريـخ الاكوانـي
لاشحت الارض عنهن ماثنـى ساقـه = بالمال يصرف عليهن سـر وإعلانـي
مسكـان بالـدار لـو أنـه امشراقـه = أخير مـن مسكنٍ بقصـور لبنانـي
عشرين عام وعليهـا عـام ووساقـه = امربالـدار تقـل أنسـان عجـلانـي
بعد الجماعه يامعجـب نـار حراقـه = من لامني يبتلا فـي بعـد الاوطانـي
رجال من دون ربـع أحبالـه ادقاقـه = يشـدا لبيتٍ مشيـد دون سيسـانـي
لاهبت الريح طـاح البيـت وطياقـه = ماعـاد ينفـع بـه الترميـم يافلانـي
قلتـه وأنـا ماعلـي أبشـرك فـاقـه = في خير وسري مسار الذيب سرحانـي
حثالة النـاس عنهـم فـوق شوهاقـه = من خوف هرجة سفيه وقاصي ودانـي
لكـن لاشفـت مـزن يلـوح براقـه = يدفعني الشوق صوب اديـار حياني
قومٍ على الطيب والمعـروف سباقـه = أمقديه في نهـار الكـون الأضعانـي
في وادي الحمض تمشي في هوى الناقه = ماهو بحـب الخشـوم بحـد شامانـي
وان وخذت البل على الطوعات لحاقـه = يردون حـوض المنايـاورد ضميانـي
لاشافهم من غزاهـم شانـت أخلاقـه = هوش المحاميد ماهوهـوش رعيانـي
كـم فارسٍ حولوبـه قبـل مزراقـه = لاثار عج الرمـك فـي كـل ميدانـي
وعلى كبير الصحـن للسمـن دفاقـه = وللضيف تذبح ربوعي حيل وسمانـي
نفوسهـم للخـوي يامعجـب ارقاقـه = وقصيرهم يحسبونه ضمـن الاخوانـي
ارسلتلـك مـن بنـات افكارنـا باقـه = والمعذره لاحصـل بالقـول نقصانـي
وختامها من صميـم القلـب واعماقـه = صلوا على المصطفى بختـام قيفانـي

	المشاركة الأصلية كتبت بواسطة ألمعيلي

	]بسم الله الرحمن الرحيم أهدي اليكم هذه القصيده ارجو ان تعجبكم : .. ياديرتي لو ان فيك القوايل= = باالقيض لاهوبك مثل لاهب النار ماني مدور فيك دار بدايل= = انتي هواي ومغرمن فيك يــــادار مادام باقي من رسومك سمايل = =انتي بعيني دايم اشوفك اخيار يادار ياما عاش وسطك حمايل = = زمل الثقال اللي بهم يدله الجـــار اهل الاعمه واللحى والفعايل= = واهل التسامح والتأخي والايثار واهل العطايا والمنح والعدايل= =واهل العباده والتضرع بالاسحار واهل التكاتف في زمان الهوايل = =حمايلن ماتقبل الجــــور والعـــــار ربعي حزامي والتجارب دلايل= =ماني مبدلهم ولو صــار ماصـــــار ولا طيعكم ياناقلين النقايل= =يرفض وفايه والوفا طبع الاحــرار وأنا سمعت من اولن بالمثايل = =رجل بلا ربعـــــه على الغبن صبــــار ويادارنا يادار أهلنا الوايل = =أغليك واغلي من سكن فيك يادار عسى السحاب اللي ثعوله همايل= =يلوح براقه من الضلـــع ويســــــار يهل هماله صدوق المخايل= =من مدلهمن تالي الليل سمار يأخذ عليك اربع ليالن فضايل= = واربع مع اربع واربع وبل وامطار ومثل البحر واديك بالسيل عايل= =ومن عقبهن تطلع بساتين وازهـــار ويادارنا يادار اهلنا الوايل= =الرزق عند اللي خلق خلقه اطوار سليمان فلاج المعيلي

الشاعر الجزل سليمان المعيلي صح لسانك وبيض الله وجهك
اشهد الله انك قلت القصيدة اللي ترش الكبد ياحلو الشعر بالقلوب النظيفة
لك اجمل تحية ياسليمان المعيلي :

مساعد الجليدي
بيض الله وجهك على الرد الجميل واحساسك دليل شاعريتك

ابو هليل
ردك اسعدني ولا خلا ولا عدم لك مني كل التحايا

سعد المحمدي
ردك علي وكلماتك الجميله وسام افتخر به
وصح الله السانك على القصيده الجزله
اللتي اوردتها وهذا من وفاك لربعك
وطيب معدنك شاعر ذو ذائقه
جميله لك مني اجمل تحيه

نافع الحربي السالمي
اهلا بك يابن العم وردك وسام على صدري
وانت ذو ذائقه شعريه عاليه اهنيك عليها
دمت بعافيه ولك فائق احترامي

صح الله لسانك يا القرم
والله يـعـطـيـك الـعـافيـــــــــــة
بيض الله وجهك