مثل ابيضٍ من كرام الخيل مقتحمٍ

هذه القصيدة على بحــور الشعــــر الفصيح

دنّيت من كن جال المرو هيكلهُ = توّه نزل بالجمارك من مصانعهُ
امشمّرٍ عن زبار الأرض مرتفعٍ = ما دق زوره بجرفٍ كان قاطعهُ
مثل ابيضٍ من كرام الخيل مُقتحمٍ = جمع تضيق الوسيعة من وقايعُهُ
يا ما طوينا عليه موشّمٍ وعرٍ = يعوي به الذئب لسباعٍ تُسابعهُ
متوحّشٍ برتفاع اللال مطّرِدٍ = صعب المعالم خلياتٍ مراتعهُ
حوّل به العصر مزن الغيث ملتعجٍ = رعّاد برقه يضيء الليل لا معهُ
مرتع لصيد الخلا للوحش مُنتجعٍ = مع أول الوسم شق السيل أجارعهُ
عذب النسايم جديد النبت مُرتبعٍ = بيّض به الطير ما ديست مرابعهُ
يسوق ريحه نسانيس الهوا عطِرٍ = عبير وردٍ تنسّم من هوانعهُ
يشرب ا زلالٍ مع الربان مُنسكِبٍ = مخزون غرن تفجّر من منابعهُ
ترسم به الشمس فنٍ قبل مغرِبُها = ويرسم به البدر فنٍ بعد مطلعهُ
يا نفس جوزي عن الأشعار واحتضني = قلبٍ صخيفٍ ثقيل الشعر مزّعهُ
شعرٍ سجنته عن النقاّد من زمنٍ = آن الأوان لمجال النقد أُطلّعهُ
أعطيته الوقت والإجهاد في حذرٍ = في زمنٍ ما يزور الناس جايعهُ
وخذت منه العنا والسير مُنفردٌ = أنام وصحا على محكم روا يعهُ
حاولت أنافق بشعر المدح مكتسبٌ = مثل الذي حب جمع المال يدفعهُ
وشعرٍ على غير صايب ما يُطاوِعُني = وأنا على غير صايب ما أُطاوِعُهُ
وحاولت فيه الهوا وقفل نوافذهُ = ستر العفيفات والإسلام يمنعهُ
أنساه ساعة وساعاتٍ يُصاحبني = ولولاي أحفظه بوصف الأرض أضيّعهُ
لقيت وصف الطبيعة من مطالبهُ = وفي غير وصف الطبيعة قل نافعهُ
لا باكر الوسم قفرٍ قل دائجهُ = وخضرّ وحمرّ وصفرّت مزارعهُ
قرّبت جيبٍ يخض الأرض مُفتخرٍ = ترسم له الشمس ضل العصر يتبعهُ
ما له طريقٍ إلى ألوجهة يوصّلهُ = إلا جديدٍ على النوّير يبدعهُ
يمشي على نقطةٍ قبل أمس زارِعُها = في موقعٍ مثل جوف الذيب خايعهُ
دليله القارمن والبوصلة سنداً = يا حي صُنعٍ رفع بالعلم صانعُهُ
لو كنت في دامسٍ غابت كواكبهُ = أمقنّع مثل وجه الخال مقنعهُ
كنك بدارٍ درست أسرارها زمنٍ = ولاّ على واضحٍ تؤمن زوابِعُهُ

نافع الحربي

صح لسانك
الشاعر نافع الحربي
بارك الله فيك

	المشاركة الأصلية كتبت بواسطة فايزموسى البشري

	صح لسانك الشاعر نافع الحربي بارك الله فيك

شاعرنا ومستشارنا الغالي
فايز موسى البشري
هلابك وصح بدنك أنار متفحي حضورك
يابن العم الله ايبارك فيك شكرا لك

الله الله الله

الله الله

الشاعر الكبير

نافع الحربي

راااااااائع

في كل اغراض الشعر

بالنظم والفصيح

قصيده جزله من شاعر جزل

الله يبيض وجهك على الحظور المشرف

بالقوافي تحياتي وتقديري لشخصك الكريم

	المشاركة الأصلية كتبت بواسطة سعد المحمدي

	الله الله الله الله الله الشاعر الكبير نافع الحربي راااااااائع في كل اغراض الشعر بالنظم والفصيح قصيده جزله من شاعر جزل الله يبيض وجهك على الحظور المشرف بالقوافي تحياتي وتقديري لشخصك الكريم

هلابك يابو تركي ولاعليك زود يشاعر القبيلة
وجهك ابيض يابن العم قد سرني حضورك في متصفحي
وشهادة شاعر مثلك اعتز فيها لك اجمل التحايا واطيبها

الله الله الله

هكذا الشعر 00 هكذا الابداع 00 هكذا التميز

صح السانك صح السانك مدد ماهو عدد

بيض الله وجهك وكثر الله من امثالك يابن العم الوافي

لله درك لله درك لله درك من شاعر

راهي متمكن وجزل ووافي ومجيد جميع انواع الشعر لنا الفخر بك وبمثالك

تقبل مني يابن العم كل ود وعجاب وتقدير وحترام

	المشاركة الأصلية كتبت بواسطة سعد رجاء الحصني

	الله الله الله هكذا الشعر 00 هكذا الابداع 00 هكذا التميز صح السانك صح السانك مدد ماهو عدد بيض الله وجهك وكثر الله من امثالك يابن العم الوافي لله درك لله درك لله درك من شاعر راهي متمكن وجزل ووافي ومجيد جميع انواع الشعر لنا الفخر بك وبمثالك تقبل مني يابن العم كل ود وعجاب وتقدير وحترام

شاعرنا الفاضل سعد رجاء الحصني
صح بدنك ووجهك ابيض ولا عليك زود يابن العم
والأبداع مايكمل الا في حضورك يابو رجاء قد سرني حضورك وتعليقك
الراقي لك من اخوك وافر التقدبر والأحترام :

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

رابح الجحدلي صح بدنك ووجهك ابيض
اشكرك جزيل الشكر

الحمدلله على السلامه استاذ نافع
شاعر متمكن من جميع انواع الشعر
صح لسانك
على هذي الرائعه جدا
دمت تواجدك وداام لنا ابداع حرفك اخوي
احترااامي