ماهمه اللا رضا ربه ومرضاته

سلام من هاجس والطيب مشهاته = ضاري مضرى على زين الهناديبي
يمشي مع الناس ويقدم تحياته = للناس الاقصين قدام الاقاريبي
يدرا العرب والعرب تدرى مقاماته = ومرفع النفس عن شرب الغثاريبي
عالي مقامه ولحدن مس هيباته = مثل الشياهين في روس المراقيبي
وان شاف ماعاف مايكثر عتباته = لو جاه باطل يرد الخبث بالطيبي
ماهمه الا رضا ربه ومرضاته = ومعامل الناس من حسن الاساليبي
والي في سد الغبا نسمع لرمياته = ماهمنا واحد يرمي على الغيبي
من قال فينا كلام عند خلواته = ماهمنا لو يكثر فالاكذيبي
لو كان هاذا الرجل حامي لهقواته = اثبت وجوده وجاب اسمه بترتيبي
يمشي مع الناس ضايع منكرا ذاته = بلاه ماهو سليم من العذاريبي
ليته يتوب ويهون عن غواياته = ويبطل القذف للناس المناصيبي
لاكن ابا عطيك علم وعندي ثباته = الكلمه الطايشه ماشقت الجيبي
خصمك في طول الدهرحاسب حساباته = والناس تفرق مابين البس والذيبي
مامديك تصل الجبل من طول هاماته = لاتقرب النار تشويك اللوهيبي
لاجات خذها وذقها رز راياته = يعجبك فعله لياجات المضاريبي
وانت تذرا في ظله يوم وقفاته = يخبرك من جرب الايام تجريبي
يارجال معذار ماقصدي مجاراته = عيبا علينا نجاري صاحب العيبي
باعلم الي مايدري عن كتاباته = الي ماشافوا علومه فالمكاتيبي
حنا جماعه وبيت العز عاداته = من ينتسب فيه له حق ومواجيبي

[table1="width:95%;"]

¨°o.O ( الشيخ / حسين مريع العبيدي) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

صح لسانك وسلم بنانك



قصيدة رائعه بروعة حضورك



لك تقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صحت ابدانكم اخواني واخواتي
شرفني مروركم ولكم تحياتي

صح السانك وأعتلا شانك على الابيات الجميله

دمت بخير

صح السانك أخوي,,,,,,,,,,

,,,,,,,,,,,,,,,
قمة فاللذوق,,,,,,,,,,,,,

,,,,,,,,,,,,,,,,

لله يسلمك

كلمات جزلة ووافية من شاااااعر كبير ومتمكن

صح لسااااااااانك