اقسم بربي انـا ماعـاد يهمّونـي..

مدخلـ..}
ياامي علامك ماتبيني اقرّب
................تكفين يايمه بقبّل رجولك.!

سامحت كل من جرحني وشانت اطباعه=سامحتهـم ياعساهـم مايضـرّونـي
اصبحت اهلّي وانا للخيـر منصاعـه=وامسيت اعدّ الذنوب وكثـرة طعونـي
هذي حياة الوفـي لاراقـب السّاعـه=وهذي حياتي انـا لوكثـرة شجونـي
ناسٍ تجيني وهـي بالحـبّ طمّاعـه=عطيتهم حـبّ لـو باعـو وخلّونـي
تحلف تقـول انّهـا بالشـوق ملتاعـه=وقبلت هالشّوق لو خابت بـه ظنونـي
ناسٍ غبّيـة غـرام وحـب واتباعـه=ارخيت حبل المشاعـر لـو يشدّونـي
كم البسو مـن ثيـاب الحـب جبّاعه =ازريت اناظر وانا في مستحى عيونـي
معقول يعني علـى الحبليـن خدّاعـه=بس جيدهم لي انـا بـالهـمّ يركونـي
اصدورنـا دايـمـن للهم مستـاعـه=ولااذكر انـي شكيـت ولـو يزلّونـي
عرفت ان الهوى لـه نـاس خبّاعـه=هـم ارذل الخلـق يايمّـه وحبّـونـي
اعرف سلوم الوفا والحـب وانواعـه=وان المحبّـه ياامـي لـك يدلّـونـي
الفين سـمٍ هـلا ولبيّـه لـك طاعـه=الاّ انتـي ياريحـة الجنـهّ وبالهونـي
درب الهوى مندمر من كثرة اجياعـه=متسوّليـن الغـرام اقفـو وهـدّونـي
مايعرفـون الوفـا وللجـود جزّاعـه=اقسـم بربـي انـا ماعـاد يهمّونـي

مخرج...}
يلا طلبتك ياحياتـي بجـرّب...............
انا عرفت ان الحيا من ميولك.!







شكر خاص لـ الاستاذ وليد الهاملي
شكر خاص لـ الاستاذ سلطان الدوسري
كانو اليد الاولى في تفقيهي للشعر

صــــح الســانك
وماشا الله عليكي على هذا الوفا منقطع النظير

والدليل على هذا ثناكي على من اثنيتي عليهم

رغم اعتقادي ان المواهب لاتكتسب
مع ان عجلت التطور مستمره

تحياتي وتقديري

قصيدة رائعة وشامخة

أتت منسابة بمنظر بديع

سامحت .. أصبحت .. أمسيت .. هذي حياة الوفي .. وهذي حياتي

جميعها تحولات تدل على أنك مدركة للحالة التي أنت بها .. ومدركة

لما تقولين / وكل هذا مبني على قناعاتك الشخصية الجديدة ؛ والتي

أتت من حب أمكِ لكِ ؛ وتقديرك وفهمك لنظرتها ..

ودليل إدراكك خاتمتك والتأكيد على تغير الزمان

وأن الإنسان الرزين قادر على ذلك

أقسم بربي أنا / ماعاد يهموني

.. صح لسانك الجوهرة والله لايهينك

سامحت كل من جرحني وشانت اطباعه ## سامـحـتـهـم يـاعـسـاهــم مـايـضـرّونــي
اصبحـت اهـلّـي وانــا للخـيـر منصـاعـه ## وامسيـت اعـدّ الذنـوب وكثـرة طعـونـي




بدايه جميله جدّاً وقصيدة رائعة وشامخة

ويقول المثل واثق الخطوه يمشي ملك


دام ابداعك ودمتي بخير

صح لسسانك على هذه القصيده الرائعه والفريده في كلماتها


دمتي متألقه

قصيدة رائعة و جميلة صح لسانك و لاتحرمينا من جديدك

قريحة رائعة ومعاناة في ثنايا الأبيات صيغت بأسلوب رائع ومتسلسل

قصيدة تشكرين عليها يالجوهرة ,,, والله يوفقكــ

دمتم بخير

¨°o.O ( الجوهره الحربي ) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الجوهره الحربي

	مدخلـ..} ياامي علامك ماتبيني اقرّب ................تكفين يايمه بقبّل رجولك.! سامحت كل من جرحني وشانت اطباعه=سامحتهـم ياعساهـم مايضـرّونـي اصبحت اهلّي وانا للخيـر منصاعـه=وامسيت اعدّ الذنوب وكثـرة طعونـي هذي حياة الوفـي لاراقـب السّاعـه=وهذي حياتي انـا لوكثـرة شجونـي ناسٍ تجيني وهـي بالحـبّ طمّاعـه=عطيتهم حـبّ لـو باعـو وخلّونـي تحلف تقـول انّهـا بالشـوق ملتاعـه=وقبلت هالشّوق لو خابت بـه ظنونـي ناسٍ غبّيـة غـرام وحـب واتباعـه=ارخيت حبل المشاعـر لـو يشدّونـي كم البسو مـن ثيـاب الحـب جبّاعه =ازريت اناظر وانا في مستحى عيونـي معقول يعني علـى الحبليـن خدّاعـه=بس جيدهم لي انـا بـالهـمّ يركونـي اصدورنـا دايـمـن للهم مستـاعـه=ولااذكر انـي شكيـت ولـو يزلّونـي عرفت ان الهوى لـه نـاس خبّاعـه=هـم ارذل الخلـق يايمّـه وحبّـونـي اعرف سلوم الوفا والحـب وانواعـه=وان المحبّـه ياامـي لـك يدلّـونـي الفين سـمٍ هـلا ولبيّـه لـك طاعـه=الاّ انتـي ياريحـة الجنـهّ وبالهونـي درب الهوى مندمر من كثرة اجياعـه=متسوّليـن الغـرام اقفـو وهـدّونـي مايعرفـون الوفـا وللجـود جزّاعـه=اقسـم بربـي انـا ماعـاد يهمّونـي مخرج...} يلا طلبتك ياحياتـي بجـرّب............... انا عرفت ان الحيا من ميولك.! شكر خاص لـ الاستاذ وليد الهاملي شكر خاص لـ الاستاذ سلطان الدوسري كانو اليد الاولى في تفقيهي للشعر

صح السانك وسلم بيانك
شاعرتنا الراائعة
الجوهرة الحربي

اسعدنا انضمامك لهذا الصرح الشامخ

الجوهـــــره

اسم اتوقع له شأن

تصوير بديع ومناظر خلابه

صح لسانك مليووووووون

وسعدنا بانضمامك