هاجس الشعــــــــر

اخواني واخواتي وعزوتي الاعزاء
كلي اعتذار وأسف عن غيابي الطويل
واللذي لم يكن بإختياري
وقد عدت وكلي أمل بقلوبكم البيضاء

عودة للتواصل بمتواضعه آمل ان ترتقي لاذواقكم

ياهاجس الشعر بين الناس جملني =الله خلقني ماحب امشي بلا داعي
إصبر على افكاري وحاول تحملني=خذني على قد عقلي وإفهم اوضاعي
مثل ماعاملك قدّرني وعاملني=إرفع معانيك لين ارفع معك باعي
البارح الليل طاولته وطاولني=لين ابلج الصبح صافحني وانا واعي
اخاف من كلمة بعدين تخذلني=وانا شبوحي بعاد ومبعد ارماعي
الشعر في مجمله ماهو بمشغلني=الشعر ذودي وانا المالك وانا الراعي
لو القوافي على المعنى تجادلني=تطيعني كنها المسباح باصباعي
ابا انحت الصخر قبل إنه يزلزلني=وابا اغرف البحر واجمع در بذراعي
وابا ارفع القاف عن شيٍ يفشلني=لين العواذل تبيد ويذهب الساعي
لاشك ابي شي لاقلته يمثلني=يسيل به صيفي ليا جف مرباعي
يرقى معي لين للقمّه يوصّلني=واسمع صدى راعده ويشنف اسماعي
الناس لامال قولي ماتجاملني=قبل ادخل الباب افكّر وين مطلاعي
وان مت بعد القصيد الله يحللني=انا اشهد إني تركت الجزل للناعي

دوموا بعز وتقبلوا إجلالي

صح لسانك عبداللطيف

على القصيد الجميله والرائعه

وتقبل خالص شكري وتقديري

الشاعر عبد الطيف العوفي
عوده حميده يالغالي
صح لسانك وعتلا شانك

عبد اللطيف العوفي صح لسانك

قيم وافي يالغالي

دمت بخير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

عبداللطيف العوفي
سلمه الله


اهلا بهكذا حضور وبهكذا شعر


تحيتي وتقديري

لــو القـوافـي عـلـى المـعـنـى تجـادلـنـي
تطيـعـنـي كـنـهـا المـسـبـاح باصـبـاعـي
شاعر جزل ومميز
اسجل اعجابي
صح لسانك ودام ابداعك

عبد اللطيف العوفي


صح لسانك و عوداً حميداً

	المشاركة الأصلية كتبت بواسطة ابن عباس اليوبي

	صح لسانك عبداللطيف على القصيد الجميله والرائعه وتقبل خالص شكري وتقديري

الشامخ أخي / ابن عباس اليوبي
صح بالك وطاب فالك
الجميل مرورك لاعدمتك
شكرا مدى البياض

دم بعز وتقبل إجلالي

	المشاركة الأصلية كتبت بواسطة سعد المحمدي

	الشاعر عبد الطيف العوفي عوده حميده يالغالي صح لسانك وعتلا شانك

الشامخ أخي / سعد المحمدي
مرورك فخر طال عمرك
بيض الله وجهك لاعدمتك

دم بعز وتقبل إجلالي