المعذره يا لافي )

مجراه لشاعر الكبير لافي حمود الغيداني


وهذه ابيات من قصيدة شاعرنا لافي حمود الغيداني

جتكم ياهل وضح المزاين مغيضات=تلـوح بأيمنهاعلامـة خطـرهـا
تلـوح بأيمنهاعلـى الفخذبالـذات=علامـة مــن شافهاماحقـرهـا

المعذره يالافي ان نلت الابيات = ولياقتحمت من القصيده واثرها
كله عجاب ٍ بالبيوت الثمينات = خلاني اجاريك واقطف ثمرها
ياشاعر ٍ خلا الصعيبات سهلات = لله درّك يوم تنطق دررها
جبت القصيده والقوافي نقيّات = وياحي صوت ٍ في لحونه غمرها
هاذا القصيد اللي عليه المقالات = مثل الوالي لطلعت ثم شهرها
والله مالومك يوم تمدح مغيضات = من شافها راع الولع ماعبرها
القلب شوّاش ٍ وشاف الجميلات = وضح الطهيمي تسحر اللي نظرها
ان قلت شيخات ٍ فهن صدق شيخات = فيهن غرورن من ولي ٍ صخرها
ولا ّمثل غر المزون الرفيعات = عقب النفيض تشوف غرّت سفرها
ارقابهن علط وعكفن دقاقات = مثل الضبا لاجيت يمّة نحرها
لاروحن مثل الذياب المجيعات = وان اقبلن مثل النجوم وقمرها
مطنوخ راسي للعلوم الجزيلات = من ربعتة ٍ دايم تجدّد ظفرها
ربعي حمول الخيل واهل المروّات = سقم المعادي لاتبيّن قشرها
ودو سلام الله سلام وتحيات = من خاطر ٍ يصفي لها ماعسرها
ياصلك ياعليان زبن الونيّات = ياللي صعيبات المراجل قدرها
ياشامخ ٍ بالطيب ياطيب الذات = خطل اليماني بالعطايا نذرها
وتعيش ياراع البكار النضيرات = عسى المنايا ماتجيك بكدرها
قالو كريم وقلت هاذي علامات = علامتك كل الرجال اتخبرها
نومست حرب اهل العلوم المجيدات =وانت الفخر واهل الفخر من فخرها
بقيادت اللي ماتجيه الرديّات = مشعل ولد عبد العزيز ان ومرها
حط المزاين والعرب كلها جات = رياضة ٍ ماينقطع من ذكرها
يالله تمدّه بالليال الجديدات = الفيصلي اللي يده ماقصرها
والفوز فوز المملكه يالقيادات = في ضل ابو متعب وحامي ديرها
العاهل اللي مايحب الحزازات = من شان شعبه كل صعب ٍ كسرها