نادوا سعد ,,,,,,,,,,,,,,,,,,,,,,

,
,
,
,
,

هذا سعد من عقب ماهو بالنبط , حول على القلطه بجداً واجتهاد = يلعب على ثنتين من طبعه كذا , واللي عقد روس الحبال يحلها
بكره يهب البرد بليال الشبط , عساه يثبت لا حصل يوم البراد = وانقول ياطيب الولد سعدٍ هذا , واللي عقد روس الحبال يحلها

:076 ::076 :

مادام ابو تركي مر ولا قال شي المجال مفتوح لجميع الشعراء

الوسيمه الان مطروحه لكل الشعراء

يامحمد العمري صحيبك منربط ,العسكري دايم محله فالشداد=عنتر شجيع ولايهاب الا اذا , والي عقد روس الحبال يحلها
انشدك عن عودٍ على راسك هبط , لاهو بحي ولايعدونه جماد=ينفع بحال وحال ياكثر الوذا, والي عقد روس الحبال يحلها

:076 ::076 :

يامعجب الحربي صحيبي منعبط , وراه مايقول العذر بين العباد = من عقب ميراده ماتدري وش خذا واللى عقد روس الحبال يحلها
معجب نشوفه ياجماعه منضبط , والعود يبغاله وضيفه بالوكاد = يبقى عليك سنين من شان الغذا واللي عقد روس الحبال يحلها

:076 ::076 :

الله الله

صحت السنتكم

واحد من حرب

و

معجب الحربي

تابعوا إبداعكم


لا هنتوا

هذا طبع معجب يطش له بيتين ثم روح
وينك يامعجب

الليث لامن ضاق بيدينه خبط , مار البلى لاصار في خشمه قراد=حلل كلامي ياعميلي هكذا , والي عقد روس الحبال يحلها
انته غديت ورحت في دين القبط , بالله صح النوم طولت الرقاد=ياحافي الرجلين دورلك حذا , والي عقد روس الحبال يحلها

:076 ::076 :

أنته فهمت العلم واِلا تخطبط , واِلا على ماقيل شقرا مع جياد = بعض المعاني ياعميلي تنبذا , والي عقد روس الحبال يحلها
مانته على جزل المعاني تنغبط . لاتحسبنك فوق ريمه بالشداد= عظمك صليباً مير اشوفه انشذا , والي عقد روس الحبال يحلها

:076 ::076 :

صح الله لسانك ياواحد من حرب وصح الله لسان زميلك معجب الحربي على الطاروق الكايف لاهنتم واصلو بيض الله وجيهكم والتوفيق حليفكم لاعدمناكم