شقــــــــــــــــــــــــــــــــــــــــــــاوي

الله يعوِّض قلبي اللي على الهوى=شد الرحال وراح روح الخلاوي
والله يجازي عيني اللي تولَّهت=باللي حسبته عون واثره شفاوي
له سْنين يوهمني ويوهم دوافعي=أَهَبّ يا حب ٍ خذلت الهقاوي
تماديت بخداعك وموهت كذبتك=والعين تبصر بس دون المساوي
يا هيه يَ اللي دست فيني سليقتي=كافي ترى لا زلت ذاك الهواوي
وكافي تراي ادمنت نزعة عبايري=وادمنت أقرا في عيوني شقاوي
عيبي شريتك وانت مبطي تبيعني=دربك سمومٍ لاهمتْهَ الخطاوي
وعيب الفتى لا مدّ بيده حمامته=للي بقاه بْذبح وان راد قاوي
وعيب الفتى لا باح دفّة سرايره=للي بكا عينيه عنده مناوي
وعيب الفتى توطين غالي عواطفه=بقْفار ظلما محيِيَتْها عواوي
من عاش دنيا مايلاتٍ مميله=عاش اللكد ما بين مطوي وطاوي
يفنى شبابه بين موله ومرتجي=يرقى ويرقى واثره بْواد خاوي
يندم بطَر من دون دافع أو خطا=كنّه شريفٍ ضمّ جيبه رشاوي
ذاك الغدر ما يوم أنسى عواقبه=منّه عرفت انّ النّدم جمر كاوي
مضن ثلاث سْنين أزهى مْن الزهر=ومن عقبهن زهو الغثا والبلاوي
الغادر اللي كم تقهوى من الحشا=يا حيف يعبث في مشاعرْه هاوي(1)
راح وْتركني بين قلبي وعزّتي=وش ذنب قبٍ للمقفين هاوي(2)
أَمَر من روحه توطّن غلاوته=في صدرِ من هدَّه وٍسَط جرف هاوي(3)
غلطان...أدري وادري اني ظلمتها=يمنى اسدّلها على كفّ لاوي
وش حيلتي ملّيت انكر معزّته=اكذب واقول اني على صدّ ناوي
وارجع أناجي كبريائه واحنّله=واحكي لطيفه عن عذابي حكاوي
وافطن واثِرْني كم رخصت بْكرامتي=وادعي عليه وْلا أجيد الدعاوي
الله يجازي عيني اللي تولّهت=أضنت معاها قلب نبضه شكاوي
والله يجازي من جرحني وباق بي=والله يجازي جرح ماله مداوي

1:عابث
2:عاشق
3:من هوى :وقع

للتحميل صوت 2 ميجا
http://www.herosh.com/download/36085..._____.mp3.html

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

مشكوووووووووووووووووووووووووور

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح السا نك وتقبل مروري

ابو فياض النويمي


الف الف الف
شكـــــــــــــــــــــــر

صح لسانك اخوي جرير مليووووووون

وقصيده رائعه وجزله ومن شاعر جزل

اخوي الغالي ترى اتعبت عيني وانا اقراء قصيدتك الرائعه من سبب صغر الاخط راعي من كان نظره ضعيف ههههه

بيض الله وجهك ياغالي وقصايدك جزله وحرفك مميز ورائع

وكلي شوق الى جديدك ياغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الف شكر اخواني الكرام