**** ( مصافحه اولى ) ****

السلام عليكم ورحمة الله وبركاته
اليكم بعد التحيه والتقدير

*

*

*

سلام للمنتدى مايْعَد = ولأعضاه واللي يديرونه
اصون حسب اللوائح عهد = واناصر اللي يصونونه

ارق تحيه

حرف جزل ومتسيد
صح لسانك يالغالي واعتلاشانك
والحمد لله اني اول المعلقين
كل الود

يامرحبابك وأمدّ اليدّ = واوافق اللي تقولونه
ولو ينقض للعهد من وعد = مايحاصل انتوا تعرفونه

يامرحبابك يابومبارك شرفتنا الله يحفطك
لاعدمناك الله ينورلياليك
تحيتي وتقديري

	المشاركة الأصلية كتبت بواسطة ناصر الحجوري

	يامرحبابك وأمدّ اليدّ = واوافق اللي تقولونه ولو ينقض للعهد من وعد = مايحاصل انتوا تعرفونه

ترحيبكم في البدايه سد = واللي كتبناه تقرونه
حنا لبينا شروط العقد = ومايوزم تعيد مضمونه

عدناه حتى لايحصل نقد = وقلنا نذكر بقانونه
ومادام لابيه بند بند = خذ مننا غصن زيتونه

وعليكم السلام
ويامرحبا الف

صح لسانك

	المشاركة الأصلية كتبت بواسطة ناصر الحجوري

	عدناه حتى لايحصل نقد = وقلنا نذكر بقانونه ومادام لابيه بند بند = خذ مننا غصن زيتونه

ياخوي حنا نعرْف الفقد = ولربعنا عهد مانخونه
وحنا رقينا لصرح المجد = ماردنا شي من دونه

	المشاركة الأصلية كتبت بواسطة الداهيه

	السلام عليكم ورحمة الله وبركاته اليكم بعد التحيه والتقدير * * * سلام للمنتدى مايْعَد = ولأعضاه واللي يديرونه اصون حسب اللوائح عهد = واناصر اللي يصونونه ارق تحيه

وعليكم السلام ورحمه الله
أخي العزيز الداهيه
حياك الله في ملتقى حرب بين أخوانك

اليك لاهنت

ترحيب بعد السلام أنمد = لك حق واجب يردونه
ونزيد بأجمل معاني الرد = يامرحبا الضيف يشرونه

تحياتي

حيا الله اخوي وصحت الالسن

شرفتنا في حضورك في ملتقى العز