رد الشاعر / فهد عواضه المخلفي على قصيدتي ( جريدة الندوه )

/
/
/
/
/
/
/
/
/
/
/
/
/

اخواني الكرام
اقدم لكم هذه القصيده
والتي سبق وان نشرتها مع رد الشعراء
ولم انقل رد اخوي الغالي الشاعر / فهد عواضه المخلفي
وذلك بسبب انه رد على القصيده في منتدى العود الازرق وذلك اثناء نشري للقصيده
في منتدى العود الازرق
وانا نقلت رد الشعراء الذين ردوا عليها في ملتقى حرب
والحقيقه انه لم يكن تجاهل مني لقصيدة اخوي فهد ولكنه نسيان
وانا امام الجميع اعتذر للغالي / فهد عواضه المخلفي
واتمنى من الاخوان فالإداره ان يقوموا بنقل قصيدة فهد عواضه لتنظم مع قصائد ردود الشعراء
ويعلم الله اني اتشرف بقصيدته وبقصائد باقي الشعراء


بدع الشاعر / خالد بن عبيد بن معتوق ألأحمدي

العين تشكي ياعـرب قلـّة النـوم=طال السهد والوضع مزري وكايـد
قام السهر يهجم على طرفي هجوم=هجوم ناد العين فـي كـاس زايـد
دايم وغاراته على العين بسهـوم=حتى غدا نصـره بحربه عوايـد
بسباب ود ٍ عشته العام مشـؤم=مع واحد ٍ ماشفـت بعـده فوايـد
اقفى وورث صورته داخل البـوم=لـولاه والله ماكتبـت القصـايـد
قصة غرامي روحت كنهـا حلـوم=فيهـا كوابيـس العنـا والشدايـد
قصه جرت يشهد بها ليل وانجـوم=منها يشيبـون الصغـار الولايـد
لو تنشر الندوه على صفحة اليـوم=ماضنتي بالسـوق تبقـى جرايـد
ياناس دلوني علـى حـل مفهوم=علمي عرضته للعقول الرشايـد
من بعد شرحي صاير الوضع معلوم=نبغى مشورة شخـص منكـم محايـد

الرد من
الشاعر / فهد عواضه المخلفي

ياقرم من لابـه صناديـد وقـروم=اللي لهـم بالمجـد بـاع وسنايـد
ذاك الزمان اللي بها الحرب والقوم=افعالهـم بيـن القبايـل فـرايـد
ذكرى الليال البيض تجلب لك هموم=لايصير قلبك من سنا الهـم جايـد
مافات مات بمنطق العقل مرحـوم=هـذي الحقايـق ياوسيـع البنايـد
الناس يابن عبيد معطي ومحـروم=واللي انكتب يرضي الرجال السدايد
وان كان خلك صابه الكبر والزوم=مغرره زينن علـى النـاس زايـد
واغلى عليك السوم لاترخص السوم=اخذ الكلام اللـي عليـه الوكايـد
لو عاش قلبك بين الاضلاع مفطوم=ولارام عمره مع ركـاز النهايـد
اهم شـي تبقـا بعـزه ومحشـوم=ولاتبـا تلحـق بـلـوم ونقـايـد

صح لسانك ياخالد الاحمدي وصح لسانك يافهد المخلفي
انت تبي الحل وجاك من فهد هههههههه
وشعرا بمعنى الكلمه بدع جزل ورد جزل ....

لاهنت ياخالد وبيض الله وجهك


ولاحصل منك قصور


ولايلحقنا شك في تواضعك


وبيض الله وجهك

قصيده عانقت الشرف بمجارات شاعر مثلك

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

مرسى الثقال
مشكور على مرورك واعتز بإشادتك

ابدااع ابداااع
صح السانك ياخـالد الاحمدي ومبدع دائماً
وصح السان شاعرنا فهد عواضه المخلفي
وفهد كفوو عطاك اطيب نبا
مشكله الحب لاصار من طرف واحـد عـذاااب

صحت السنتكم على هلابدااع
لاهنتم

الغالي / فهد عواضه المخلفي
اشكرك على تقبلك للموضوع
وهذي عادة الرجال الكرام
واشكرك ايضا على تجاوبك بهذا الرد
الشافي
والذي لايكتبه الا شاعر متمكن
وصح بدنك عليه

ابدااع ابداااع
صح السانك ياخـالد الاحمدي ومبدع دائماً
وصح السان شاعرنا فهد عواضه المخلفي





صحت السنتكم جميعااااا

صح السنتكم جميع
مساجله رائعه
الله يعطيكم الف عافيه

صح السنتكم والله يبيض وجيهكم
قصائد رائعه