مساجله بين الشاعرين تركي العوفي والشاعر عبدالقادر العوفي..

السلام عليكم ورحمة الله وبركاته..
احب ان اضع بينكم مساجله بين الشاعرين الكبيرين
تركي بن مرزوق المفرجي الحسيني الصاعدي العوفي من اعيان القصيم &
عبدالقادر بن سالم العلياني الحسيني الصاعدي العوفي من اعيان المدينه المنوره
قصيدة تركي المرزوق المفرجي الحسيني الصاعدي العوفي

يا بومـاجـد ياعـشـير الغـانمـيني = ياحـفـيد أهـل المـروه والحـمـيه
ما نعـد أبــوك ضـمـن الميـتــيني = وأنت نسل الـــحـريالحـروحـلـيه
غارس بك من علـوم الطيـبـيـني = كل معــــنا يـازبـون الشــاذلـــيه
بين ورث وبيـن كسب باليـمـيني = حي فــالك ياعــريب الجـــد حيه
كاسب الناموس والجزل السميني = مـاتهـاون بالسـلــــوم اليعـربـيه
لين الجـانب ربــيع الخــاطــريني = بالقـبال السمــح واليمنى النديه
مايمــلك يـابن عـمي جــالسيـني = عندك عـــلوم المناعير الشذيه
همتك علـيا لــها القـاسي يليــني = تضـطـرم بين النجـوم السامرية
ولاذكـر بين العرب مستـغـربـيـني = شي من أهــلـه ولاهي انكـرية
انتم أهل الطيب والكسب الثميني = بالــزمن هـذا ووقت الجـــــاهليه
روس قــوم للعـزاوي محـتـمـيني = في عشـار اقرب مثل لاجات هيه
روس قــوم في مواقـفـها تـبـيـني = لو يضيق الدرب ماتخشى المنيه
مـنـوة وجنه كـبـود المــلـتـجـيـني = عــند ولـد حســين بـبـيـوت ذريه
المعــالي والفخـر للاكــرمـيــــني = ديـدن طـول السنـين السرمــديه

رد عبدالقادر بن سالم العلياني الحسيني الصاعدي العوفي

حـي قاف يطـرب إذن السامعيــني = قـاف يسوى له من القيــفان ميه
دايــــــم يا أولاد مفـرج سـابقيــني = حطــها رب المـلا فيــكم مـــــزيه
فعـــلكم يخـرس فـمي الشـامتـيـني = مــــا تـوفـيه الحـروف الابجـديه
يالــرجال اللي على عـزة وديـــني = ما نكيـل المـدح كــذب ولا شهيه
للــدخيـل حـقـوق وانتم عــارفيـني = يوم غـنـت بالعـــزاوي مفــرجيه
طـوقوا بيته كما الحصن الحصيني = ما يخــاف من الغـريم ادناة سية
عـام مع شهـرين حـاميـن العـريني = مــــارجـيـتـوا لا كثـيـر ولا بلـيـه
حي ذاك السـاس بالسـاس المتـيني = مـادخـل فيكم ضعـيف ولا هـفـيه
وان رجـعـــنا للـجــــدود الاولـيـني = بالعـقـيـق وخـلص وإلا الناصبيه
كل ما مـريت رســم تجــود عيــني = بالبـكاء وأذكـــرك يا مقلع طميه
عــانهم بين البـدايـــع والقــــريني = مـابقـى فـيـهـا شــــداد ولا مطيه
شـوفهـم عـنـدي لو إنا معـتـنـيـني = ثـالـث الأعـيـاد من بعد الضحيه
شجــرة خضــراء تسر الناظـريني = أصلــها ثـابـت وفــرعه بالـثريه
من حـطبها الـنار لابليـس اللعـيني = وفي ذراهـا للهــدى ثمـره وفيه
لابة من كــل رجــس مـطـهــريني = وفي كتــاب الله وفي سـنة نبــيه

صح الله لسنتكم قصائد جزلات

wصحة السمتكممساجلة راقية

اشكر الجميع على المرور..