اللغز(333)البنت شالت حملها وبلشتبه=محلول مكينة الخياطه والابره والمكره=من نافع الحربي

البنت شالت حملها وبلشت به= تويلت متى امها تصحي من النوم
الام شالت بنتها وحملها وبتلتبه=دربن طويل وتقضبه دايم الدوم
وصلت نهايتها وحملها جدعتبه= والبنت معها ماتفرقها ولا يوم

توضيح0 الحمل ماهو حمل البطن0 بل حمل الظهر
المطلوب معرفة البنت وامها وسلامتكم0

معاند زمانه صح لسانك يامرحبابك وشرفتنا ومشاركتك معنا تشرفنا


وبارك الله فيك


وصح لسانك على اللغز الرائع

اخوي خالد االشكرك علا هاالاطرى والترحيب دايما بسلوبك راقئ ياراقئ
احترامي لك0

انا عندي رمعه الصاموله وبنتها الورده اللي تركب على المسمار

مالك لو بس الرمعة جيدة
تحياتي0

حياك الله وشرايك بلقا مه ولمحاله حقت البير ولله اني داري اني مع جنبها يعني معندي سنع

مااصبت
احترامي

اخوي معاند زمانه والله اني حاولت ادور مدخل على اللغز ومن كثر ماني الفلف بنشر عندي الكفر ونزلت العفريته وغيرت الكفر وكملت المشوار وقلت يمكنها العفريته وما ادراك ما البنشر والسيارة .

(ملاحظه للجميع )

لاحظت بعض الاخوان يقول وقفوا الرمعات ننتظر رمعة فلان 0 والا ترى فلان صاب اللغز ونبي نوقف الرمعات 0
ترى اللغز ماحطه راعيه الا للحل والرمعات مايحكم عليها الا راعي اللغز وخوفا من الشرهات من اصحاب الالغاز
وخوفا من الوقوع في التباس ارجو عدم كتابه (اوقفو الرمعات)الا من راعي اللغز نفسه بارك الله فيكم وتقبلوا تحياتي

اعشير النشاما اللغز بعيد عن السيارات وسلامتك