بمناسبة فوز الشاعر زياد بن حجاب الحربي بشاعر المليون

بسم الله الرحمن الرحيم
قصيدة الشاعر / حميد حميد الرويتعي الحربي بمناسبة فوز الشاعر/ زياد حجاب بن نحيت الحربي بجائزة شاعر المليون

سلام مني عد ما لاح براق=واعداد ما هل المطر من سحابه
واعداد صبحأ بأوله طلعت شفاق=سلام يا حرب الوفاء والمهابه
مبروك يا مقدم من الشعر مالاق=في شاطئ الراحة عطيت الإجابة
رغم الرادار ورغم من كل الانفاق=كل على ما قيل ضارب حسابه
أصفلك شعوري علي بيض الأوراق=الفوز لك يا زياد مابه غرابة
شاعر ومتمكن معك حسن الأخلاق=وراك حرب مكفيه عن شبابه
يا كلاش حرب اللي مجهز للاطلاق=يا كلاشنا وقت الزوم بزهابه
يخشاه ذيبا بالمراقيب قد واق=صيده ثمينه ولأرماء الذيب صابه
وابوك شيخنا فزعته تعتق أعناق=يا سيوفنا والسيف عزة نصابه
من لا بتأ تحرق قلوب العداء احراق=الابة اللي غير عن كل لابه
تاريخ حرب معانق سهيل بعناق=فوق النجوم وفوق عالي هضابه
رجالنا دايم علي الطيب سباق=وأفعالنا ما تنحصر بالكتابة
حب الكرامة لو علي مكسر الساق=معشوقها الحربي من أول شبابه
نفوسنا ما تقبل الذل ودقاق=عز النفوس الله عطانا وهابه
ورجالنا لو بقت لوعدك ما باق=ولنا كلاماً بالدجاء ينسرابه
ولا ننقض عهوداً علينا وميثاق=ولا هي لنا غدر الرجل في غيابه
وخوينا ما زعل منا ولا ضاق=يالو علي شانه نزعل قرابه
لا حدته دنياه حنا له أرواق=وحنا سند لا غرز الوقت نابه
وقصيرنا لا شد يا شينه فراق=يبكي علي الحربي وفرقا جنابه
مد لهينة غصب يبكي ويشتاق=خابر جنبنا كل طيب ورحابه
ودخيلنا يبشر ليا جاء بالا عتاق=تنسي خصومه لا وصلنا الطلابه
من يا صله يمناه تنقص وتنعاق=كلاً مجرب فعلنا وكتوابه
والضيف له فنجال بالعمر ما ذاق=من دلتا فنجا لها ينحكابه
ويلقاءا الخروف معلقينه بمعلاق=كبش يجمل من تقدم وجابه
أفعالنا ما هي سوالف بالا سواق=وقولاً بلا برهان ما حداً شقابه
تاريخنا شمساً بدت وقت الإشراق=بدتبه الأجداد عصر الصحابه
تحدنا البصره من الشرق وعراق=والبحر الأحمر غرب ليا حدود طابه
بالسيف جابتها منشفت الارياق=حرب أهل الردات كيد الحرابه
من عقب غاراتاً بها أرواح تنساق=أرواح صوب الموت تجلب جلابه
بمصقلاتاً حدها فيه الأزهاق=على المهار وفوقها أسود غابة
حنا مرجحة الموازين باالطاق=في ماضي الأيام وحاضر ذيابه
وكل القبائل نعم والرب خلاق=ما ذمهم والله شديد الرقابه
أخوان من بعد الجهل والتمزاق=نعيش في بيتاً مجود طنابه
هذا الوطن نفداه بالدم دفاق=وترخص دمانا دون ذرة ترابه
الله يجنبنا المصايب والأغراق=وادعو لعبد الله في وقت أستجابه
اللي جمع شعبه وظمه بخفاق=ودون الوطن كل الاعادي تهابه
شاعر واصخرها ولي وجه عراق=ولا ترك بيوتي غامضه دون جابه
ولاني من اللي لا سمع بيت سراق=أبداء بقافي قبل واحد بدابه
رويتعي حربي ولا عشت بنفاق=عاراً على الرجال يترك ثيابه
الكذب ما بين العرب يعمل شقاق=قلت الصحيح وكل كذباً خيابه
ورزقي على اللي فوق للعبد رزاق=يرزق مخاليقه ولا صك بابه
وليا مشيت الدرب ما جاني اصفاق=ولا رجع عن اللي خاطري قد نوابه
أما نعيش بعز لو عيش بارهاق=ولا حياة الذل ما هي كسابه
ومبروك يا مقدم من الشعر مالاق=في شاطئ الراحة عطيت الاجابه