(( إحدى درر ورائعة من روائع || مزاين قبيلة حرب || للشـــــاعر : الحربي ........؟))

السلام عليكم ورحمة الله وبركاته

أيها المتصفح الكريم يسرني ويسعدني ويطيب لي أن أقدّم لك إحدى قصائد الشــــــــــــــاعر المعروف

ورائعة من روائعه ..

	[[[+[[[ زيــد بن مبشــّر الحصنـي الحربـي ]]]+]]]

والتي سيشارك بها بإذن الله تعالى في مهرجان (( مزاين قبيلة حرب )) ..


يقول (( زيد الحربي ))

بســـــــم رب الكون لعبـــــاده رحوم=مُوْعـْــدَ أهـــل الشرك بأشـدّ العقاب
أبتــــدي بأسمـــاه قبل أفطر وأصوم=للكــــــلام صيـــــام وإفطـاره بآداب
مجتهـد وأقــــول : ماني بمعصــــوم=وماقفي مع حرب بالواجـب إعجاب
مرحـبا ً مـــــا هـــــل همـــّـال الغيوم=في محافـــــل حرب رَحـْبين الجناب
ومرحبا ًً في كــــل حاكـــــم ومحكوم=ومرحبا في كــــل مدعو وإستجاب
ومرحبا في كـــــل زايــــــر ومعزوم=ومرحبا في حـــرب شيبان وشباب
ومرحبا والعلــــــــم قافيتــــــه علوم=ومرحبا والبيـــــــت ماله غير باب
مدخـــل ومطـــــلاع وإبليس مهزوم=ما تهــــــز الباب صلفـــات المهاب
يالــــــدفاع إن شيف فرصه للهجـوم=والله إن القـــــوم منا مـــــــا تهاب
وإن سمعنا علـــــوم مردين العــزوم=الردي ما جــــــــــاب غير الإكتئاب
لـــو يبيــــع بســـــــوقنا وإلا يســوم=للحرار تبـــــــــوع ماهي بالحساب
السخي ماهاب من دفــــــع الرســوم=والبخيل إن هـــــــاب جعلـه للتراب
إن حسبنا إحسـاب معطى ومحـــروم=الســــؤال أحيان هو نفـس الجواب
كلمــــة الجمهــــور وأهل البل عموم=طيــّـب الله فال من شـــارك وطاب
والجدي معـــروف من بيـن النجــوم=في سمــاء إبن دليم مـا دونه ضباب
ياعســـــــاك بخيــــــر وبعــــز ٍ يدوم=ياسـِــــديد الـرأي للعلــــــم الصواب
ما أستمع من قـال : مالـك به لــزوم=إستــــــشــار وشـــار عبدالله وأناب
عـن قبيلـــــة حــــرب والنافــر يروم=والهدف مرفــوع من فـوق السحاب
ما يحــط الــرّوس في وســط الكموم=للضــّروس ضروس والنـّيبــان ناب
والقبيلــــــه حــــرب مــا فيهم قسوم=في مــزاين حـــرب حِضــّـار وغياب
وإسمـــنا مسمــّــاه تحطيـــــم الرّقوم=وفــــوزنا مضمــــون في كل إكتتاب
ما نزلنا نجـــــــــد في حــب الخشوم=نازلين ٍ نجــــد يـــــــوم الإغــتصاب
ويوم ســـــاد السـِّـلـْم والبطش معدوم=عهــــــدنا مـــاثوق ضـــــد الإنقلاب
في ذرى آل سعـــود كفــّوْنا الهمـــوم=حـيــّهـــــم للعـــــــز والميــّـت يثـاب
ورْثــَة المــرحوم لطــّام الخصـــــــوم=حاكميـــنْ بمنــْـزَلَ الله بــالكــــــتاب
والــــولاء لله يامـــــــــدوّر ثــلـــــوم=كلنا كالســّــــيف والمقضــب نصاب
وكلنا آل سعـــــود في وقت اللــــزوم=لــِــعنبو من صــَــد بالواجـب وهاب
الوطــــن بأمان ويــــن تريــــد نــُـوْم=ما علا الجمــّـال من نبـــــح الكلاب
والثنـــــاء والحمــــــــــد لله كــل يوم=والهـــدف تشجيـــــع مـلاّك الرّكاب
لـْوسيمـة حــــــــرب من بين الوسوم=ومضربين التـّاج في وقت الضراب
وجولـــــــة كحيلان والطـــايح يقـــوم=جــــــابه عِـليان بأغلى مـــــا يجاب
ومرحبا والكـــل مـُكــْــــرَمْ ومحشــوم=والخطــــر ممنـــــوع منـه الإقتراب
والســـــــلام ختــــام والشرهــات كوم=ودّنا بالـــــزّود مـــــار القــاف شاب

وســـــــــــــــــــــــــــلامتكم

الشـــــــــــــــــــــــــــاعر : زيـــد بن مبشــّـر الحصــني الحربــــي 0

	الله يعطيك العافيه اخوي ابن القبيله وصح لسان الشاعر زيـــد بن مبشــّـر الحصــني الحربــــي شكرا لك

صح السان الشاعر الكبير زيد الحصني
ويعطيك العافيه
على النقل الرائع يابوفهد
بيض الله وجهك

0
0
/

يعطيك الله العافية و بيض الله وجهك

على المجهود الراااااااااااااااائع

/
0

ابوفهد ماتجي غير بالجزايل

بيض الله وجهك

وصح لسان شاعرنا الغالي زيد الحصني

اتمنالك التوفيق إن شاء الله

أخيك ابوروان

عافاك الله ياابن القبيله العزيز


وصح لسان زيد

وعسى الله يسلمه ويعافيه

ويخليه ذخر فهو من فحول الشعراء وغني عن التعريف





دمت بخير





......

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

الله يعطيك العافيه اخوي
ابن القبيله
وصح لسان الشاعر
زيـــد بن مبشــّـر الحصــني الحربــــي

صح لسان زيد

وعسى الله يسلمه ويعافيه

بيض الله وجهك

ما نزلنا نجد في حـب الخشـوم
نازلين ٍ نجـد يـوم الإغتصـاب


والله ونعم القبيله حرب عزالله انا رافعين الراس يومنا من
افرادها.
وبيض الله وجه الشاعر العملاق زيد الحربي علي هالقصيده
اللي ترفع الراس.
وماقصرت يأبن القبيله علي هالطرح الزين.

حرب العظمي