شكر وعرفان للأمير/ نايف الفرم

اشكر الله ثم نايف عسا عزه يدوم=ابن عبدالمحسن الفرم والمعروف له
والله إني ماجحده دام أنا اصلي واصوم=وارفع كفوفي لرب الثقلين اسئله
قلتها وأقولها كل ليل وكل يوم=راعي المعروف يشكر على مايفعله
والله اني مامدح الرجل لين إنه يقوم=للزوم إليا نصيته ولو قال إزهله
والرجل ليا اتعب جهوده مقدر ومحشوم=حاول إنه يفتح الباب والحظ اقفله
ولايضيق من الثناء بالوفا غير الرخوم=أو حسودٍ مدحت الطيبين تزعله
أو امير مثل ماقيل معطى ومحروم=يعتزي في ماضيٍ حاضره ماجمله
مشعرٍ بالنقص بين المغادر والقدوم=ويحسب إن المدح من غير فعل يكمله
والأمير الفرم نايف ورثها من الفروم=شيختٍ ماضي وحاضر وهي متسلسله
اليا اعتزوا بالعزوه اللي بها النافر يروم=عزوةٍ بالفعل والفعل نايف من هله
والخوال إخوان جوزاء هل الوضحا الردوم=كم خصيمٍ بالبتيرا أكلها مفلفله
انشد التاريخ عنهم ويعطيك العلوم=المضايين اهل ماضي عريق ومنزله
مانزلو في قمة المجد في حبت خشوم=من قدايم حرب يوم الحرايب مشعله
والحقايق والوثايق تصدا للهجوم=والعلوم اللي بليا وثايق مهمله
والجدي معروف بين الكواكب والنجوم=يقتدي به ساري الليل قبل البوصله
والسلام ختام ياهل المواقف والسلوم=جمل الله حال حافظ حقوق القافله

و النعم بالشيخ / نايف بن محسن الفرم

و يستاهل ... و صح لسانك يا أبا فهد

صح لسانك على هالقصيده القيمه ولاهي غريبه منك ياابوفهد0
والفرم يستاهل000

الشاعر القدير زيد بن مبشر الحصني الحربي

بيض الله وجهك وصح الله لسانك

ابداااع شاعر متمكن ماشاءالله

ويستاهل الأمير نايف الفرم

ومليوووون نعم

تقبل اجمل التحايا

ودمت بخير

	المشاركة الأصلية كتبت بواسطة زيد بن مبشر الحصني الحربي

	اشكر الله ثم نايف عسا عزه يدوم=ابن عبدالمحسن الفرم والمعروف له والله إني ماجحده دام أنا اصلي واصوم=وارفع كفوفي لرب الثقلين اسئله قلتها وأقولها كل ليل وكل يوم=راعي المعروف يشكر على مايفعله والله اني مامدح الرجل لين إنه يقوم=للزوم إليا نصيته ولو قال إزهله والرجل ليا اتعب جهوده مقدر ومحشوم=حاول إنه يفتح الباب والحظ اقفله ولايضيق من الثناء بالوفا غير الرخوم=أو حسودٍ مدحت الطيبين تزعله أو امير مثل ماقيل معطى ومحروم=يعتزي في ماضيٍ حاضره ماجمله مشعرٍ بالنقص بين المغادر والقدوم=ويحسب إن المدح من غير فعل يكمله والأمير الفرم نايف ورثها من الفروم=شيختٍ ماضي وحاضر وهي متسلسله اليا اعتزوا بالعزوه اللي بها النافر يروم=عزوةٍ بالفعل والفعل نايف من هله والخوال إخوان جوزاء هل الوضحا الردوم=كم خصيمٍ بالبتيرا أكلها مفلفله انشد التاريخ عنهم ويعطيك العلوم=المضايين اهل ماضي عريق ومنزله مانزلو في قمة المجد في حبت خشوم=من قدايم حرب يوم الحرايب مشعله والحقايق والوثايق تصدا للهجوم=والعلوم اللي بليا وثايق مهمله والجدي معروف بين الكواكب والنجوم=يقتدي به ساري الليل قبل البوصله والسلام ختام ياهل المواقف والسلوم=جمل الله حال حافظ حقوق القافله

قصيدة كفو من كفو إلى كفو

صح لسانك وسلم بنانك

تحياتي

صح لسانك ياشاعر النخبه


ودمت بخير وعافيه

صح لسااااانكــ ااخووووي

ويعطيكـــ ااالعااافيه ولاهنت ........

كل ااالتحااايااا

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري