نصائح

ابدي بذكر الله عزيزا لجلالي = مجري هبوب الريح شرق وشمالي
ومنزل الماء من صدوق الخــــــــيالي = ومدبرالاكوان جهر وخفـــــــــــيات
يالله ياعالم بما في الضـــــــــــــــماير = ياللي وهبت المعرفة والبصــــــاير
وعلمتناا بالرابحة والخســـــــــــــاير = انك تجنبنا الزلل والخطـــــــــيات
قال العبيدي يوم ساق القــــــــــوافي = زين معانيها على شرح وافـــــــي
وحكم كلامه بين وزن وقــــــــــاقي = وسطربيوت حافلة بالعــــــبارات
اوصى العيال وجملة السامـــــــعينا = نصيحة للي لها قابليـــــــــــــــــنا
حيث النصيحة شيمة المسلـــــــمينا = يوصي بها الاسلام في كل الاوقات
مااخص واحد من عيالي ووصــــيه = اقولها والكل يسمع باذانـــــــــــــيه
راع العقل لابد عقله يقـــــــــــــديه = والحريفهمها برمز الاشــــــارات
احفظ وصاتي ياولد يوم اوصـــــيك = واسمع كلامي يوم ابرك واربيك
نصيحة الوالد من الضيم تنـــــــجيك = وانا مجرب حلوها والـــمرارات
علمتكم ياعيال كل الفضــــــــــــايل = وجنبتكم درب الردى والرذايل
وحفظتكم فيالصغرمن كل عايــــــل = وساعدني المولى جزيل العطيات
اوصيك بالثنتين سر وجــــــــــهارا = ثنتين لاتاخذ عليها خيـــــــــــارا
هذي حقيقة ماعليها غـــــــــــــبارا = احذر تحالفها وتندم بالاثـــــبات
الاولة توحيد رب العــــــــــــــباد = توحيد خالص من صميم الفواد
اللي خلقنا واليه المـــــــــــــــــعاد = الواحد اللي منفرد بالعــــــــبادات
حكم كناب الله وســــــنة محـــــمد = واحفظ شرايعها من الجزر والمد
واحذر امور جات من غير مســند = دينك نجاتك فالامور المهمات
واطلب من الله كل شيىء تريــــده = الله رحيم ويستجيب لعبــــــــــــــيده
وانهاك في يسر الزمان وشــــديده = لاتمد يدك الا لرب البريـــــــــــات
كمل فروض الدين واركان الاسلام = وداوم عليها فالليالي والايـــــــــام
يوم ورى يوم وعام ورى عــــــــام = واعمل لحسن الخاتمة في النهايات
والثانية رفع المضرة عن النـــــاس = اسعى لفعل الخير مع كل الاجناس
ترى العلوم الخيرة ترفع الــــــراس = والدين يوصينا برفع المضرات
وان شفت لك بين القرايب طــــلابة = وصلت مشاكلهم لحد الحرابة
عليك بالاصلاح بين الــــــــــقرابة = اصلااح ذات البين للشهم غايات
وان جات من بعض المحاليق زلة = اصفح وسامح واحتسبها على الله
ترى السماحة عز ماهي مـــــــذلة = واجرك على مولاك رب السماوات
والضيف قدم له هلا حيبن يــــلفي = واصحى عن الضيفان يالصقر تقفي
الجود بالموجود للضيف يكــــــفي = مع كثرة الترحيب به والتــــــــحيات
وافرح لياماجوك فالليل خطــــــار = ماحلى مقابلهم على شبة النــــــــــار
والمكرمات مكملة بن وابـــــــــهار = وسوالف تشدى لسلم الجنيهات
اتبع رجال الفكر واختارالاصحاب = اللي لهم فالحل والربط مضراب
اللي نهارالضيق تفتح لك الــــــباب = ويوصلونك للعدود الرهيات
وابعد عن الاوباش واهل النــــمايم = اللي مجالسهم فسوق وظــــــــلايم
ترى النميمة من كبار الجرايـــــــم = كم فرقت بين اللحم والقرابات
واختار لانسابك ترى العرق دساس = حذراك تنزل منزلة مالها ســـــــاس
وشاور ترى للبحر عايم وغــــطاس = ولاخاب منه شاور اهل المــشورات
ياذيب وان جاك الغلط والــــــتحدي = مالك وعرضك ماعليها تـــــــــعدي
خلك مع العادي قوي التصد ي = هذي طباع اهل الوفا والـــــــــمروات
قاوم ليابان الخصم والـــــــــمعادي = خلك كما ذيب طويل الايــــــــــــادي
اما شهيد وفي سبيل الجـــــــهادي = والا انتصرت وجات لك بالسلامات
وخلك على الشدات عندك مناعــــة = وصبرك عليها من طروق الشجاعة
واجعل يمينك مع يدين الجــــــماعة = من شذ عن ربعه حياته خســـارات
وارفع لسانك عن هزيل الــــــــكلام = خلك حكيم وكلمتك ماتــــــــــــلامي
ترى الكلام الزين يرفع مـــــــــقامي = ويزيد من قدرك في كل المقامات
والجارله حق علينا ولوجــــــــــــار = افزع لجارك واحسبه من هل الدار
ترى حقوق الجار واجب على الجار = احسن جواره لو منعك الزيارات
والمال لايشغلك جمعه ولمـــــــــــه = الرزق من صورك يكفيك هـــــمه
واللي يحب المال عايش في غمه = يقضي حياته في حساب الريالات
وعينك على والدك في كل حيـــني = ترى رضا الله من رضا الوالديني
البر والطاعة وهم عايشـــــــيني = ثم اطلب الرحمة لوالدك لامات
عن المحرم عف والزم حدودك = والياعطيت الوعد تمم وعــــــــودك
واحذر مدى الايام تنقض عهودك = العهد نقضه من فنون الخــــــــيانات
وطاعة ولي الامر له حق مشروع = عليه يامر والامر منه مســـــــــموع
ترى حياة الناس تابع ومتبــــــوع = والله يعز اللي حكم بالـــــــــعدالات
انظر لما يجري في وسط الجزيرة = القايد الظافر يقود المســـــــــيرة
امن وامان وخير عم العشـــــــيرة = متحدية بالامن كل الحكومــــــــــات
بعد عرفت المخطية والصواب = وقريت ماجا فالسنن والكــــــتاب
راجع حسابك قبل يوم الحساب = واعمل لمسح السيئة بالحسنات
واود الخص كلمتي في النهاية = خل الشكالة لك وسيلة وغاية
والله يهدي من يحب الهدايـــــة = ويجنبه درب الخطا والغوايات
يالله ياللي فوق عرشك تعليت = انت الكريم ولامر عبدك توليت
طالبك تغفر زلتي كان زليت = واللي جرى لي في عصور الجهالات
واعداد ماهبت علينا الهبايب = واعداد ماهل المطر من سحايب
وسالت عليه الاودية والشعايب = صلواعلى محمد كثير الصلوات

اللهم صلي وسلم على محمد

ماشاءالله تبارك الله

اخي حسين مريع العبيدي

جزاك الله خير وبارك الله فيك

ابداااع رائع وشاعر متمكن ودروس مفيده تجارب ونصح وارشاد وشيم وقيم

لله درك

وصح الله لسانك وبيض الله وجهك

شكراً لك على هذه الشامخه

تقبل اجمل التحايا

ودمت ودام تواجدك

حياك الله يا أبن خير الله ماعليك زود يالغالي والحمد لله انها نالت رضاكم
وجمالها من مرورك طال عمرك

الاخ الشاعر / حسين مريع العبيدي

صح لسانك 0 قصيدة رائعة تحمل معاني سامية 0 وصفات انت اهل لها
بيض الله وجهك

اخي الكريم اعتقد ان هناك اخطاء املائية :

خلك مـع العـادي قـوي التصـي ( التصي = التصدي )

وارفع لسانك عـن هزيـل الكـلام ( الكلام = الكلامي )

واصجى عن الضيفان يالصقر تقفي ( واصجى = واصحى)

مااخص واحد من عيالـي ووصيـه
اقولهـا والكـل يسمـع باذانـيـه
راع العقـل لابـد عقلـه يقـديـه
والحريفهمهـا برمـز الاشــارات
احفظ وصاتي ياولد يـوم اوصيـك
واسمع كلامي يوم ابـرك واربيـك
( انت تخاطب المتلقي وتنصح 0 اعتقد ان هناك كلمات اولى من كلمة اربيك )


اما هذة الابيات اختلف بهن الوزن عن بقية القصيدة
الاولــة توحـيـد رب العـبـاد
توحيد خالص مـن صميـم الفـواد
اللـي خلقـنـا والـيـه المـعـاد
الواحـد اللـي منفـرد بالعبـادات

في الابيات الاربعه السابقة لو اضفت حرف الياء لكان افضل
مثال ( العبادي 0 الفؤادي 0 المعادي )

بعد عرفـت المخطيـة والصـواب
وقريـت ماجـا فالسنـن والكتـاب
راجع حسابك قبـل يـوم الحسـاب
واعمل لمسح السيئـة بالحسنـات

وهذة ايضا كذلك لو اضفت ياء مثال :
( الصوابي 0 الكتابي 0 الحسابي )
او الالف مثال ( الصوابا 0 الكتابا 0 الحسابا )

كذلك ( بالحسنات 0 بالحسينات )

وتقبل تحياتي وارجوا ان لا اكون اثقلت وزودت عليك ولاكنها قصيدة تستحق الاهتمام

حيا ك الله وابقاك اخوي بعيد الشوح قبل كل شيء اشكر مرورك يالغالي واتقبل
نقدك بكل الود اما الاخطاء الاملائية فانا معك هناك اخطاء اما من ناحية اضافة الياء فاعتقد انها ياعزيزي لاتوا ثر على الوزن طالما ان الحرف الاخير يقرأ مكسور اي
عليه كسرة و هذا هورايي اما وزن الابيات اذا اختلف في القصيدة فهو عيب كبير اما كلمة ( اربيك) فكنت في هذه الجملة موجه الكلام لاةلادي
ونقدك في محله عموما احيي فيك روح الاخوة والصراحة
ارجو مراحعة اخي للقصيدة مرة ثانية وتصحبح ماوجده ان امكن
لك خالص الشكر والتحية دمت بخير

صح لسانك وسلم بنانك


نصائح وووووو


قصيدة في غاية الروعة


::::::::::::::::::

ا شكرك اختي العزيزة على مرورك وتعليقك حياك الله يابنت الرجال

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

شكرا جزيلا ماهي جزلة الا بمرورك حفظك الله ورعاك

حسن العبيدي صح السانك وبيض الله وجهك

والشكر موصول لناقدنا بعيد الشوح علي التنبيه الذي لا ينتقص من حق القصيده

التي تعتبر من النوادر

ولااريد ان اجعل من نفسي حكم بينكم اسجل اعجابي بالشاعر والناقد

الله يعطيكم العافيه