امس قبل انام كنت اقرا رساله = مع هدوء الليل وبحالة كئيبه

السلام عليكم ورحمة الله وبركاته :
/
/

امس قبل انام كنت اقرا رساله = مع هدوء الليل وبحالة كئيبه
من حبيبٍ كل مايطري خياله = أفتخر أني معه ( أجمل حبيبه )
أتجمل وأعشقه حد الثماله= يبتدي عمري معاه وينتهيبه
أكرهه كره النشامى للنذاله= واسهره من طلعة الليل لمغيبه
أتلاشى في جنونه واعتداله= واتبعثر في تفاصيل ٍ عجيبه
طيبته .. بسمة شفاياه .. إحتماله = هيبته .. صمته على ناس ٍ مصيبه
ضحكته .. وسامته .. ليل إرتحاله= لاخذاه الحزن لأحلام ٍ غريبه
أذكر أني قلت له والقلب داله= ماأحبك !! قال لي وبكل طيبه
الهوى لولاك كيف أطلق حباله = وأنتي اللي من معاناتي قريبه
قلت يعني ايش !! قلبك كيف حاله = قال عايش .. إنما بحاله عصيبه
آآه يا ايلاف يكفيه إنعزاله = وكل قلب بالحياة وله نصيبه
وأذكر أنه كفكف الدمع بشماله = قبل ماينساب من خده لجيبه
قال كيف أنساك يا أم الجماله= ياحنونه .. ياأميرة .. يا أديبه
ياغرام اشوف عمري من خلاله = ياحضن دافي كذا ثلجي يذيبه
ياوطن ماعاد يعنيه إحتلاله = ياطموح أما أجيبه أو أجيبه
وأذكر أني ضعت مرة في سؤاله = يوم قال الحب من يفرض نحيبه
قلت مدري ؟؟ قال هذي استقاله = من هواك وبس من شك ٍ وريبه
سافر لغيري وأنا ارجي وصاله = مثل من يرجي قبل موته طبيبه

الحقيقه قصيده تستحق الاشاده


صح السان الكاتب او الكاتبه من القصيده يظهر انها قصيده لشاعره

المهم ان القصيده رائعه وجميله احتوت الرقىه والعذوبه والجمال



صح السانك مره اخرى

مساءك سكر :

أختي بعضك اللي مات :


مع تحفظي على عدد من الابيات إلا أن القصيدة رائعه .. صح لسانك

جنوووووووووووووووووون في الابداع ...

روعة لا مثيل لها ...

(( بعضك اللي مات )) الأنيقة ...

أبدعتي حقاً أبدعتي ...

صح قلبك يا أنيقة ...

؛
؛
؛

لكِ ودي ووردي وتعلوهم أوركيدا ...

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة خالد الحصني

	الحقيقه قصيده تستحق الاشاده صح السان الكاتب او الكاتبه من القصيده يظهر انها قصيده لشاعره المهم ان القصيده رائعه وجميله احتوت الرقىه والعذوبه والجمال صح السانك مره اخرى

صح بدنك اخي خالد الحصني ولا انحرم من التوجيه الطيب من قبلك .

	المشاركة الأصلية كتبت بواسطة منصورالمعمري

	مساءك سكر : أختي بعضك اللي مات : مع تحفظي على عدد من الابيات إلا أن القصيدة رائعه .. صح لسانك

صح لسانك اخي الشاعر الراقي منصور المعمري وياليت ولو برسالة خاصة تحدد لي الابيات اللي عليها تحفظ لإني تلميذة في مدرستك .

	المشاركة الأصلية كتبت بواسطة لمعة الجليد

	جنوووووووووووووووووون في الابداع ... روعة لا مثيل لها ... (( بعضك اللي مات )) الأنيقة ... أبدعتي حقاً أبدعتي ... صح قلبك يا أنيقة ... ؛ ؛ ؛ لكِ ودي ووردي وتعلوهم أوركيدا ...

ياهلا ومليار غلا بك يالغلا .

وربي اني ممنونه ياقلبو .

لك ِ فل وياسمين ونعناع حجازي طيب .

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه