$$>> من امنيات بعض الشعار ؟؟؟؟ <<$$

خاطره اتمنا انها تدغدغ بعض مشاعر البعض وتنال اعجابه
من خواطر الملقب بفتى ديم العوفي
اقول فيها

الله ياوجدي على مركب الجمس = اللي جديداً وارده ماتدهور
اللي جديد ومنظره يفتح النفس = غظ النهد لو يركبه به تنثر
اللي يفز اليا ألمسه سايقه لمس = ومن زين مشيه راكبه ما يتوتر
يمشي عصير و قدم ماتغرب الشمس = والي يبا يماشيه يبا يتكدر
وقدام نص الليل بيوقف الجمس = عند الحبيب الي من اجله تعطر
ويمتع ايامه عن اليوم والامس = ويركي على كبد العدو واهج الشر
اللي مجيه يحرقه ويحمس حمس = ومن حر مايونس افواده تفطر
وقدام بيت الغرو طس العدو طس = ومن ناضره قدام بيته تحسر
غيضه بنفسه والحقد مالي النفس = من كثر غيضه ينهضم و يتعبر
هذي مناوي خاطري مبعد الرمس = بسعا على تحقيقها وتصبر

صح لسانك يالنشمي
قصيده طيبه يافتى ديم
واتمنى لك حياه شعريه موفقه
لي ملاحظه بسيطه يالبناخي
على البيت هذ
يمشي عليه عصير قدم تغرب الشمس
ويومي عليه الله عنـه يبعـد الشـر
مكسور اشوي
وتسلم يالنشمي

صح لسانك يافتى ديم وفيه كم شطر مكسور وياليت تحسن في اسلوبك اشوي
الله يعطيك العافيه

صح لسانك وبيض الله وجهك

ولن ازيد على ملاحظة ابو خالد

اتمنى لك التوفيق

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

فتى ديم
صح السانك
قصيده جميله
لا تخلو من الشفافيه
تحياتي وصح السانك

	المشاركة الأصلية كتبت بواسطة ابوخالد الفريدي

	صح لسانك يافتى ديم وفيه كم شطر مكسور وياليت تحسن في اسلوبك اشوي الله يعطيك العافيه

صـــح السانك
ويالـــــيت اتحـــــسن

اسلوبك على ماقـــــال

ابو خـــــالد الفــــــريــدي

هه

والله يحييك يا فتى ديم الـــعوفي

نتــطلع لــــجديدك