بعت النياق الوضح والهرش هدار

السلام عليكم ورحمة الله وبركاته


(هذي القصيده قلتها في وقت قديم)

بعت النياق الوضح والهرش هدار=يوم شفت لا يوجد على الأرض مرعاه
حد الوقوت اللي ايبست غض الأشجار= عون الزمان اللي على الناس ملهاه
ولا مهو ودي تقل حالة إقمار=لينن كلن راح في مالله أعطاه
والأدمي يومر وينها أمنن غار=وارادته ماهي حفيضه على امناه
ومن سار من كيفه مسير ليا سار=لايحسبه برادته رادت الله
الله يسيرنا على درب الأخيار=سبحانه اللي ماخسر من ترجاه
هو مالك القدره على كل الأقدار=ربن كريم الحي والميت مولاه
واليوم على اللي فات مشفي ودوار=يوم النفود الناشفه نقعت ماه
السيل يجرح والمطر عم الآقطار=شفت الخيال إجبال في عين منشاه
ذكر عليه سيل حشرات الأمطار=ذودن زمان العام بالقيض بعناه
وضحن ولايف سرد ساحات وإبكار=ياما رعن عشبه على خد مداه
عرض الشعاف السرد وسعات الأنحار=متوخرات اسنام للعين مشهاه
هزع الأذان اللي يشوقن الأنضار=قيمات سمكات العرانين منهاه
برقابهن سله من السيف بتار=رها مشاربهن على ماتمناه
وفخوذهن بيبان والزين غمار=ماهن اصطوانيات من حيث مبداه
وفيهن مهجورت عرض والطول تعبار=ماطالها العملاق لو مد يمناه
البكره اللي ليا جضر عندها احوار=أم الصغير لو مادرت أغذاه
ونيما عراقيب أمهن وضحن أخيار=ياقل مايوجد مع الذود حلياه
ولا ينصخي بالهرش مبروم الأوبار=طفيليتن من فطمي البيض مغناه
بعته وبعت إبكارها إكبار وإصغار=المقسوم محدن فات عنه وتعداه
بيعن ياليته ماتهيا ولا صار=ياليت مقسم عارض البيع ينهاه
طاري طواري مرنا مرت المار=ساعة مروره من نهاره رقدناه
ومثلي عليهن من طرد طايرن طار=طيره نقاط أقلام في غبت أجواه
كني نهار اليوم دوار صقار=من ضاع طيره مادرا وين يلقاه
اضلم عليه الليل ماحصل أخبار=طيره ثمين وروح الليل واتقاه
غدي سماء ماله على يمين ويسار=ماله حراوي واتجاه يتحراه

صح لسانك وبيض الله وجهك
على القصيده الجزله لك كل الحب والاحترام


طاري طـواري مرنـا مـرت المـار
ساعة مـروره مـن نهـاره رقدنـاه
ومثلي عليهن من طرد طايـرن طـار
طيره نقاط أقلام فـي غبـت أجـواه
كنـي نهـار اليـوم دوار صـقـار
من ضاع طيره مـادرا ويـن يلقـاه

نايف ناجي الجابري


صح بدنك وبيض الله وجهك

عزااااااااااااااااااااااااااااا ه
يابن ردمان صح السانك

وهذا تفاعلي

ياوقت وش علمك بالاجواد بوار=يهب يها لوقت كله معاناه
ماتبكي الا اللي صواريم واحرار=وتضحك خشاشن لاهل الماقف اشباه

صح لسانك يابن ردمان والله يعوضك بمثلهن واطيب منهن لاهنت سلمت ودمت

جريح الفرقا صح بدنك (وصح لسانك)


صدقت ياممدوح ياواف الأشبار **** ياطيب ردك في بيوت المجاراه

هذي هي الدنيا تصاريف واقدار **** ومشكور ياراع البيوت المصفاه

مضحي بن جمران


صح بدنك مشكور على المرور يالطيب

صح لسانك
وعلا شانك
قصيدة جميلة .

كنـي نهـار اليـوم صقار دوار=من ضاع طيره مـادرا ويـن يلقـاه
اضلم عليـه الليـل ماحصـل أخبـار=طيـره ثميـن وروح الليـل واتقـاه
غدي سماء ماله على يميـن ويسـار=مالـه حـراوي واتـجـاه يتـحـراه

صح الله السانك


قصيدة عانقة السماء بجزالتها وأبداعها

تحياتي لك