مساجله بيني وبين الشاعر الكبير غازي مغيران الزغيبي

10-04-08, 08:41 PM

{ بسم الله الرحمن الرحيم }

حقيقة من الشعار اللي صار اللي الشرف بمساجلتهم الشاعر الكبير العملاق غازي مغيران الزغيبي واليكم قصيدة الشاعر غازي ومجاراتي لها التي متأكدبانه لم تصل لمستوا قصيدة العملاق

قال من ساق المثايل بإختياره=من ظمير ساوق له من هوايه
لبو فواز المزيني ريف جاره=ياعسى يفداه مذموم الفوايه
من جنيه بالذهب غالي عياره=ما يشاف الا بحاشية الولابه
خير ما تعطيه تجديد وحضاره=فيه شايه وللهدف والمزح شايه
قلتها والمنتظر زاد إنتظاره=مثل من غير جديد الوقت رايه
لي رفيق مانقص عندي وقاره=لكن اني ما أضمن بقلبه غلايه
عقب ما سلمته ختوم الأماره=يعلم الله ما يبادلني وفايه
قام يبدي لي من التالي غياره=لين وصل الطق قيمة مستوايه
والمجامل في مثل ذيه ثواره=كلمه سادت بها كل أصدقايه
إن جزعت من الخطا سويت إثاره=وإن تلافيته سموحي قيل بايه
نوب ليه تاره وأحيان تاره=بين ذي وذيك وشلون الحكايه
كل ماجبت المهندس للعماره=قال أنا أبنصحك لا تهد البنايه
مستقله كنها مبنى الوزاره=قلت كل الكون وشو بالنهايه
قيل دور من يبي يقنعك شاره=قلت عندي ما نوصي له وصايه
صاحب لي مواعدينه في زياره=لا بغيت تقول له رجال غايه
لو ما يفرق يمينه من يساره=ما تخيرته منصيه الشكايه
وانت ياسالم وفاك براس قاره=في عصاك أضرب وتضرب في عصايه
وأحمد اللي فاق خلقه بإقتداره=دام عزك يا نجوم في سمايه
يابن عمي رمية الأهداف إشاره=والإشاره بينه وفيك الكفايه
يا عسى رايك يجي فيه إستخاره=المثل كد قال ما هي في هوايه
ولو عرفنا ما تغطيه الستاره=كان ماشاورت كم نسبة خطايه

الشاعر / غازي مغيران الزغيبي

وقد حاولت انا اصل لمستواه قدر المستاع ولكن جودي من ماجودي
هذا مردي

بإسم حافظ كل كوكـب فـي مسـاره= السماء به شهب في مرصـد حمايـه
جـل ذكـرك بالوطـا فيـه استجاره =يـا حليـم ويـا علـــيـــم بكــــل حـــــايـه
ياعظيـم يـولـج اللـيـل بنـهـاره =جاعل بشمس الضحى وبضدهـا آيـه
حجة يدمـغ بهـا مـن بـه فجـاره = وللتقـي برهـان فـي درب الهدايـه
مـن هديتـه مادخـل حالـة حيـاره=أسئلـك يـارب لطـفـك والعنـايـه
بـاب توفيقـك تسهـل بـه إعسـاره = والستر والعفـو هـو غايـة منايـه
فـر دالـوب الفكـر غــازي وأداره= للشعر من عقب مـا أوليتـه جفايـه
الرديـفـه دون الأولــى بالعـبـاره =صوغة اللـي بالحكـم جالـه طرايـه
لقب شاعـر مستحقـه فـي جـداره=وإلا أنـا لـو قلـت تـوي بالبـدايـه
ياوسيـع العـرف يومـك بالصـداره=مافرقـت العلـم فــراق إنجـلايـه
لو أجاري ماحـوى المعنـى بمـداره=نـار ظـن وراعـي التخميـن تايـه
ماخطى صاحبـك مشهـود إشتهـاره= والسرايـر بـذة الحـيـل وخفـايـه
بالنظـر مـاحـق زول ولا سـمـاره=المجامل في محله حايز مايـه بمايـه
بغير حاله ينهجـه مـن بـه نعـاره= وأنت عندك عـرف وبميـزك إدرايـه
والمهنـدس قـال علـم بـه ثمـاره=خـذ كلامـي صـدق ماقلتـه دعايـه
رايي إتبع راي ناصـح عـن دمـاره= الفعول تقـول عـن راعـي الكمايـه
ولـك علـي وبالمثـل ليـه مشـاره= بحال جزل هزل مـن راع الغوايـه
لـو حلالـه بالثـقـل صـكـة زراره=فـارق الثنتيـن مـا فيهـا روايــه
وأنت معروفك علـي بـراس صـاره= لكـن أنــك لا تلحقـنـي قصـايـه
تدري إنـي بالشعـر مامـن غـزاره=للمنـادم صـوب وللقـاف إنتحـايـه
عـن ضمانـي للمضاميـن إنشطـاره= مـع مجـاذب وادي فـي إنحنـايـه
والسموحه والتحيه قول من زاد إفتخاره=مساجلة شرواك لـي فيهـا إعتلايـه

ولكم فائق الود والتقدير سالم بن ظفر{جريح الفرقا}