سالم العرم .... لو هو حمام يصير بعيوني غراب

طبعي عنيد ومن نساني نسيته = واللي ذكرني مانسيته ولو غاب
والزين لو يشرى بمالي شريته = لكن ما جاء له بالاسواق جلاب
في غفلة ٍ من حارس البيت جيته = العام وإلا اليوم من دونه ذياب
همي من العربان تسمع بصيته = وإلا الحرس ماني بحاسب له حساب
يصعب على الزرع اذا ما سقيته = والزرع غالي وانته تعرف الاسباب
فارس وكم ليل ٍ ظلام وسريته = يوم العرب ناموا ويوم القمر غاب
حققت في ماض العمر مابغيته = اسنيني اللي ماضيه كنت ما هاب
واليوم لو اني بدربي لقيته = لوهو حمام يصير بعيوني غراب
ودرب الهوى ماهو بعيب ان مشيته = مشاه بن حثلين قدمي مع عقاب
تاريخهم قاريه وانا قريته = وعقولهم تازن لها هضاب وهضاب
العيب باللي ما عرفه غير بيته =وان جيت له في حاجة ٍ سكر الباب
وإليا بغاك بشيء جاء كمبليته = لابس ثياب وهي ماهي له اثياب
هذاك لو انه رحل ما بكيته = ارمي وراه من الحجر سبع وتراب
هذاك لو انك بيدك كويته = ما طاب من بلواه ما طاب ما طاب
اجسام حيه لكن عقول ميته = احساسها مدفون في وسط الاعصاب
ونهي كلامي مثل ماني بديته = والحق حق وصاحب الحق غلاب
والهرج لا مني حكيته حميته = اموت ما قالوا لي الناس كذاب
اخاف من ربي واصلي بيته = وارجي من اللي للمخاليق وهاب
وان شفت لي محتاج قمت وعطيته = لعل يقبل دعوته رب الارباب

[[ والـهـرج لا مـنــي حكـيـتـه حمـيـتـه ]]

مبدع أستاذ سالم ...

؛
؛
؛

أوركيدا ...

الشاعر سالم



مبدع مبدع


وصح السانك قصيده شامخه

اشكركم على مروركم شرفتوني بقراءة قصيدتي

الشاعر/سالم العرم

الله يعطيك العافية وصح لسانك..


وتقبل تحياتي

صح لسانك وعلا شانك شاعر متميز

صح لسانك
..
..
أسجل اعجابي بالقصيدة
..
ويعطيك العافيه ..

اشكركم على مروركم الغالي
الله يبيض وجهكم ياهل الطيب = من كل شهر ابيض ثلاثين ليله

صح الله لسانك
ولاهنت
وسلم فكرك وبنانك
دمت برعاية الله وحفظة

اشكرك على مرورك الغالي