مدري علامك ياحمد مانت بتبيع وتشتري

مع كل التقدير لخوي الشاعر الكبير حمد بن فهيد

مدري علامك ياحمد مانت ابتبيع وتشتري= وانته من أول كل سلعه عارفٍ مكيالها
كنت أحسِبك والله عميد ولانت حتى عسكري=وأم الكباير ضيعت حتى الثلاث عيالها

ورقان صح لسانك على البدايه الحلوه
وونتظر زميلك

بدر صح الله بدنك

شرفني مرورك

صح الله لسانك ياشاعرنا الجزل يابو عبدالعزيز على الوسيمه الطيبه لاهنت وبنتظار ابو فهيد ليكتمل الابداع سلمت ودمت

الله لايهينك ابو عبدالعزيز

يلايلالالالالالالالالالالالالالالالا

خلني اسخن
انا بو فهيد خموني الرياجيل ونا مرفخ

لاكثرو الهراجه اللي نصهم من يفتري=خلك سواتي مستمع والعارفه يبدالها
انا عميدٍ معتمد يحمل وسام البحتري=وام الكباير وش خذت مشوين في خل خالها

(( مرفخ));كلمه تطلق على الرجل اللي غير منتبه اومستعد لمن جاه او يوخذ على حين غره
وهي كلمه اقليميه عندنا بم السلم

شكرا للجميع وبيض الله وجيهكم جميع

ارحب ارحب والله ياحمد ولاتهون

مبطي عميد ولا نظرنا لك علومٍ تذكري=كنك تركت الملعبة من حالها في حالها
ولا هبوبك ياحمد نوبٍ تهب وتسكري= خليتها ياصاحبي راحت تسوق اجمالها

اكبر ثقه لي اعترافك ياالوزير العنقري=تكرار بعض الهرج ياورقان مايبغالها
هات الجديد الي ينشط خاطري وش تحتري=وإلا اترك العربان لاتشفق على موالها