عسا الخيال اللي تكاشف بروقه

عسا الخيال اللي تكاشـف بروقـه=تسقـي هماليلـه مداهيـل الاذواد
الله على ديـار العشايـر يسوقـه=يسوقـه الله بامـر الإلـه ينـقـاد
من مزنتن غـرا لبحرهـا طفوقـه=نون تقافـا مـن مناشيـه رعـاد
ضاح البروق السامره في عموقـه=يصبح على روياه مطروح الارصاد
يسيـل سيلـه ويتقافـا حقـوقـه=يسق الفياض اللي بهن هالك العـاد
تسفح عثاميـره ولاهـي غروقـه=يسقي نهاره واخـر الليـل هجـاد
ذوبـه تحـدر والهـوى ماتعوقـه=وزداد هله وردف المزن من غـاد
هتاف يضفي كـل حزمـن يذوقـه=سقى الله الرحمه وطن كل الاجـواد
هـواه شرقـا هابتـن ماتعـوقـه=ترعد رعوده بارقه يسنـد اسنـاد
وسمه على البيـدا غثـاه ودفوقـه=لين يتساوى نبت طعسه والاجـلاد
متنوعـن نـوار عشبـت أفلوقـه=والقاع الابيض مفرشن فرش سجاد
تدفع على عاليـه ميـة أعروقـه=سيله يزود وناير العشـب يـزداد
مرقابها عشبي وخضرن أطروقـه=زملوق ربله مع هوى النود نـواد
وبالعشب غمضات الشغايا مخنوقـه=برضن مرى تثقلبهـا كـل مركـاد
وفيه الزبيدي واضحاتـن أفتوقـه=فجر جمـا البيـدا نباتـه ليـا زاد
رحمه من الخالق عطاهـا مخلوقـه=تضفي على كل الوطن بـر وبـلاد
وتشوف في واديه من شقح نوقـه=بين الهضاب وبين مطعوس الانفاد
أصخاف العشاير نيهـا زاد فوقـه=من نيها يبني على أدفوفها أنضـاد
ويزداد بـه تدليـل بلقـن لهوقـه=أمدلله ماهي علـى المـرح مـرداد
وضحن سنادن والمحالـب رقوقـه=بنت أوضحن ماطب الاسواق مهداد
بنته لون أشجـار بيـدا محلوقـه=دهرن به المربع تقل زلـم معـواد
تطيـب ماتـردي ولاهـي خفوقـه=لو حدها من بعـض الايـام حـداد
عضام الغزول مسلسلات العموقـه=والكل منهن تفهـق النـي مسنـاد
هذا وعلى ماقلت نفسـي شفوقـه=على هوايه منوتي ياهـل الامجـاد
لاطابـت الايـام وشـرق شروقـه=وشوف الجوازي برضها مالها عداد
بفجـوج بـرن ماتوطـو أدبوقـه=مـاداج نزالـه ولا شـد شــداد
وراع الولع ياخذ مـع البـر توقـه=باجمل طبيعه بيضها وسـود السـاد
وبرقابتن بالمرتفـع مـن وسوقـه=ومد النضر طوله على راس مـازاد
بيـام فرحـه حاليـه ومعشـوقـه=لاجابها الله هي مضامين الاوجـاد

محمد بن ردمان
،
من جمال حظي لعلي أول من مر بهذه القصيدة
،
التي تعانق عنان السماء
،
لوحة شعرية لايصنعها الا الكبار
،
دام هذا الابداع بعز

صح السانك يالشاعر

محمد صح لساااااااااااااااااااااااااااانك يالجزل

كم اطرب لمثل هذا القصيد

صح لسانك والله قصيده اعجبتني واطربتني وحركت الاحساس


الله يرزق البلاد والمسلمين وصح لسانك مره اخرى

\
/

مرقابها عشبي وخضرن أطروقـه"=" زملوق ربله مع هوى النود نـواد
وبالعشب غمضات الشغايا مخنوقـه"=" برضن مرى تثقلبهـا كـل مركـاد
وفيه الزبيدي واضحاتـن أفتوقـه "=" فجر جمـا البيـدا نباتـه ليـا زاد

" غمضات الشغايا مخنوقه "

الله عليك يابن ردمان ..

الله عليك ..

وين اللي تتلـوى حنوكهم وصفحاتهم بأشباه القصيد ..!؟

هنا الشعر بأزهى حالاتــه ..



صح لسانك مـدد بلا عـدد لا عدمتـك ..

تحياتي
.
.

ياسلام بيض الله وجهك اخوي محمد قصيده جزله صح السانك

لافي ،، حمد فهيد الحربي ،، محمد عبد المحسن البدراني ،،


خالد الشعيفاني ،، جريح الفرقا 0



صح بدن الجميع ومشكورين على المرور المشرف والكلام الطيب الله لايهينكم جميعً 0

لوحة رائعة جدا وصور جميلة
قصيدة من أجمل ماقرأت


ابن ردمااااااااااااان صح لسانك وعلا شانك وبيض الله وجهك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

قصيده وافيه ومن راس وافي


لاهنت ولاهان هذا الحضور


تقبل تحيتي