سلمان وش في عودكم برقع الطير

سلمان وش في عودكم برقع الطير = عن القنص للصيد حزة هداده
الصيد جاله موسمٍ للصقاقير = يوم انطلق من خف رجله قياده
سلمان عطني عنه بعض التقارير = وش السبب في صدته وابتعاده
مايفيد ياسلمان صفح المعاذير = خله يولع ضرمته من زناده
وترى القنص له بالمسنين تأثير = كم واحدٍ حول وخلا شداده
عسى النظام اللي شملهم يجي غير = يبلغ به القناص ملحه وزاده
والياس مابه خير ضد اهل الخير = يضعف عزايم بعض لاهل الاراده
عل وعسى يظهر بالاوضاع تاثير = يمكن تعود للعقيد القياده
والناس ياسلمان مثل المداوير = ورى الحياة الطيبه والسعاده
والكبر ياسلمان ماعذرب الزير = خمسين عام احياء الكفاح وجهاده
ولاتقول من بعد الطلوع المحادير = الله هو اللي معتني في عباده
يمكن تغير حال والصاير يصير = ويطيب نوم مجاضعه بالوساده
وعقب المحل تصبح دياره مخاضير = بطن الشعيب وروضته والحماده
ليا صار داره ريف غرد بها الطير = تسمع تغاريده وكثر ارتداده
واقبل تحياتي فدوك المعاثير = تم الكلام وطبخته من قناده
جانا سؤالك ياعشير المناعير = بأبيات شعر منقحات بركاده
ابيات مافيهن ركاكه وتكسير = مقعد نضمهن مثل نضم القلاده
ينشد عن الصقار وهواية الطير = والله يعلم ويش غاية مراده
والعود يامعقعد بعيد المشاوير = نفسه طموح وشومة الحر عاده
مايعجبه زحف البطاط المخامير = وان شاف له صيدٍ على الكيف صاده
وان كان لك بمهار الاصحاب تدبير = عوض رفيقك يوم راحت جواده
من خيل ربعٍ يكسرون الطوابير = بنت الحصان اللي ينومس مقاده
قود السفينه في محيط الغنادير = واحرص على الجزله وخل الجراده
ابذل جهد باسلوب حكمه وتفكير = وليا لقيت بضاعة العود ناده
وان كان ماحصلت قلنا عسى خير = العبد له راده وللرب راده
وانقول ماجا منك صده وتقصير = ولاكل من يجهد يصيب اجتهاده
وبالناس يامقعد تقدم وتاخير= والنار تنتج قبل تصبح رماده
احدٍ يجي سعيه قبول وتباشير = واحدٍ يكافح عنفوان القراده
وانته حكيم وفسر الوضع تفسير = والصقر والصقار بالخير باده
هذا كلام اللي يعرف المعابير = وقد نال منكم يالعياضي شهاده
واقبل تحيات الحوافا وتقدير = جاك الخبر ياللي طلبت الافاده

اخوي سلمان
صح لسانك ملايين
وصح لسان مقعد العياضي
ومساجله رائعه ومن الوزن الثقيل ..

لاهنت ياغالي

اخوي سلمان
صح لسانك
وصح لسان مقعد العياضي


وحقبقه مساجله من نوعها

الشاعر سلمان البدر

صح لسانك ولسان مقعد العياضي والله يعطيك العافيه

ننتظر جديدك

صح لسان مقعد وصح لسانك

قصائد قيمه ولاتستغرب منكم ايها الشعار المبدعين
بانتظار جديدك

صح لسانك ولسان الشاعر مقعد العياضي

وبيض الله وجيهكم على هالمساجله

لاهنت وصح السانك



تقبل التقدير والاحترام



وفقك الله

اخوي سلمان صح السانك والسان مقعد قصايد جزله الله يعطيك العافيه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسااااااانك لاهنت على هالروعه

قصيده رائعه