قصيدة سالم ابن مناع لغربي المحيا

كتبت هذه القصيدة بعد ان اتصل بي الاخ الشاعر الكبير عبدالله ابن زويبن الحربي يبلغني بها تحيات وسلام الاخ غربي المحيا وسالم ابالميخ ابو لافي من الرياض واشادتهم بقصيدتي اللتي طلعت بالتلفاز بملتقى قبيلة حرب وكذلك الاخجازي الدحام عندما لاقيت بمناسبة قال اتصلوا فيه الاخوه من الرياض يسلمون ويشيدون ويبدون اعجابهم وانا بصراحة زدت فخر وحمدت الله اني مثلت ربعي خير تمثيل
وكذلك الكثير اللتبس عليهم الامر وضنوا اني من النخشه الدلامين اللي منهم العم ابو خلف سليمان المناع وبنخيه ونعم فيهم خصوصا ان بالملتقى اذاعوا اسمي
سالم عبدالله ابن مناع الوهبي
وهو فعلاً صحيح لكن الناس ضنوا اني من النخشه ولكن تم توضيح الصحيح للأخوه عن طريق العم مطارد الخشمان وعن طريق الشاعر عبدالله بن زوين وعن طريق الاخ جازي الدحام الوهبي ابو نايف
ان الاسم/ سالم عبدالله ابن مناع بن عروج من المذيّخ من الوهوب

فكتبت هذه القصيده لرد جميل وقفة وتشجيع ابناء العمومه اللي ابدوا اعجابهم
وكلي امل ان تاصل للشاعر غربي المحيا

ياغـربـي المحـيـا يــا نـسـل الكريمـيـن=رسالتـك وصلـت وفــي ضــرف سـاعـه
وصـلــت تحـيـاتـك مـــع كــــل غـالـيــن=الــكــل يـعــلــن فـرحــتــه وانـدفــاعــه
عــبــدالله زويــبــن وجــــازي مـكـفـيـن=مـحــدٍ بـهــم دونـــي يـصــد امـتـنـاعـه
جــابــوا تـهـانـيـكـم وجــونـــا مـهـنـيــن=فالـمـنـبـر الــلــي اعتـلـيـنـا ارتـفـاعــه
وبـدعـت لــي قــافٍ يـشـوق المغنـيـن=وبــانـــت نـتـيـجــة قــوتـــه وابـتــداعــه
انــا قصـيـدي مـايـجـي بـــلا مضـامـيـن=عـنـدي عــن هــزال القـصـايـد مـنـاعـه
لاقـلــت اقــــول ويـرجـحــن الـمـوازيــن=مــانــي اتـصـنــع بالـقـصـايـد صـنــاعــه
وتشجيعـكـم معـنـا وســام ونيـاشـيـن=حــمــيـــة مــنــكـــم وراي وقــنــاعـــه
قـنـاعــة تــفــرق الــجـــزل والـشــيــن=والـجـزل يجذبـكـم وتـهـوى استـمـاعـه
شـاعـر ولاقـالــوا بـــدل قـــاف قـافـيـن=عنـدك علـى بـدع القصـيـد استطـاعـه
يالـوافـي الـلـي مــن سـلايـل لوافـيـن=يـامـزبـن الـلــي لايـــع الـوقــت لاعــــه
سـربــة وهــــوبٍ بـالاكـاويــن ضــاريــن=ياللـي اشتهـرتـوا بالـكـرم والشجـاعـه
رجالهـم ينـطـح عــن الجـمـع جمعـيـن=زودٍ عــــن الـلـقــوات فـيـهــم بـتــاعــه
وقفـاتـكـم تـنـشــر وتــذكــر لهـلـحـيـن=لــو كــان تمنعـهـا الـصـحـف والاذاعـــه
عــزالله ان مـنـتـوا ضـعــوفٍ مسـاكـيـن=رجـالـكــم يــاطــول شــبـــره وبــاعـــه
ثـبـاتـكـم وقـــــت الـلــقــا بـالـمـيـاديـن=عـربــون نــصــر ولا طـلـبـتـم شـفـاعــه
اخــبــاركــم مــشــهــورةٍ بـالـعـنـاويــن=وافـعـالـكـم بـالـلــي لـويـتــوا ذراعـــــه
الكسـب مــن ذود الطـغـاة المسمـيـن=مــن حـركـبـده سـاحــن الـمــر زاعـــه
والشيخ ابن سعدى سعـوط المجانيـن=امـيــرنــا لا قـــــال ســمـــعٍ وطــاعـــه
أوامــــره خــطــة وحـنـكــه وبـراهــيــن=نـصــره مـعــه فـــي غـزوتــه وبـدفـاعـه
كـنـه مـشـرع فــي حـكــوم القـوانـيـن=انـــه الامـيــر الـلــي مـحــالٍ خــداعــه
شــيٍ يخـلـي بـعـض الأعـــدا مغـلـيـن=خــــذا الأبــاعــر أقـتـطـعـهـا اقـطــاعــه
نلـهـى فباعـرهـم الــى قيـامـة الـديـن=كـسـب وغنيـمـه دون شـريــه وبـاعــه
فـعـلٍ علـيـه شـهـود حـتـى المعـاديـن=مـاهــي عـلــوم مهـايـطـات وأشــاعــه
تــاريــخ والـتـاريــخ يـحــفــظ لـبـعـديــن=مـخـلــد ومـحـفــوظ صــعــبٍ ضـيــاعــه
(ألـد وهـب ) يدبـل لهـا النعـم نعمـيـن=دايـــم تـحــوز ونـعــم قــــول وطـبـاعــه
ياغـربـي مـاهـو مــدح لـنـكـم قريـبـيـن=ولانـــي مجامـلـكـم وطـامــع طـمـاعـه
قلت الصحيح اللي على العسر واللين=الــواقــع الــلـــي يـتــصــف بـالـواقـعــه
هـذا وسـلـم لــي للاقـصـى والأدنـيـن=مـعــك سـلامــي يالسـانـفـي وداعـــه
بـلـغـه ابـــو لافــــي وكــــل الـعـزيـزيـن=والـلـي نـشـد عـنـي وكــل الجـمـاعـه
وختـامـهـا صـلــوا لشـفـيـع المصـلـيـن=نـبـيـنــا مـحــمــد بــيـــوم الـشـفـاعــه

وســـــــــــــــــــــلامتكم