ويسعدني أن اشارككم بهذه القصيدة علّها تحوز على رضاكم ..
تقول المشاركة :
يا لهفتي وينك لك أيام غايب=يالله عساها خير غيبتك عنّي
مشتاق لك واسأل نسيم الهبايب=واسأل نجوم الليل ليا سامرني
مشتاق لك يا شوق قلبي وذايب=ومن الوله يا شوق قلبي سالني
مدري جفا وإلا حدوك القرايب=وإلا أنت ناوي بغيبتك تمتحني
وفي غيبتك عديت روس الجذايب=واجاوب ذيابٍ عليها عوني
وهليت من عيني دموعٍ سكايب=وما الومها لو انهن يحرقني
ومن حقي اسأل واتحرى السبايب=من خوف سامع شيء مزعلك منيّ
وإلا أنت تسمع بي عذولس وخايب=وإلا تعال وبدد الشك عني
وإلا أنت فيني روح وأغلا الحبايب= وأنت الشموع اللي بليلي ضوني
وأنت الدواء لجروح فيني عطايب=وأنت السكون إليا همومي زجني
وأنت الصدق قي وقت نسج الكذايب=وأنت النثر وابيات شعر جذبني
ويالله يا منشيء علينا السحايب=ياللي على كل الديار أمطرني
ترد لي من كان طوّل وغايب=حتى العيون بشوفته يفرحني
......................
وتقبلوا تحياتي