عـاتبت الايــام .......

مما جرى للنفس عاتبت الايام = ببيوت شعر ن راجحات الموازين
عاتبتها بالقاف شاكي ومنظام = وياكم شكاها من رجال ن ميامين
إليا ذكرت صروفها عبر الاعوام = أونس بجوفي مثل فعل السكاكين
يامى غوينا والْتهينا بالاحلام = ويامى ضحكنا ماشكينا من البين
ويامى شربنا من زلال ٍ ولا دام = ويامى لعبنا في جميل البساتين
ويامى مشينا للهوى حفي الاقدام = ويامى عسفنا من مهارٍ مزايين
ويامى لهينا في مشاوير الأوهام = نطرد سرابٍ ماحصل منه تمكين
ويامى بكينا من تباريح الاعوام = ويامى طربنا في زمان ٍ لنا زين
ولاقد ذكرنا اللي للاطياب هدام = اللي على الموعد يجي يقضي الدين
الله يرحمنا ليا صاح زهَّام = وقال الوعد يافلان ما فيه تخمين
ولالك سوى ما سطَّّرن هاك الاقلام = اللي على يسراك واللي بالايمين
واللا برحمة خالقك رب الانام = ان كان جيت موحِّد وحافظ الدين
واللا تراك بصف عبَّاد الاصنام = ولا ينفعك مال ٍ ولا جاهك يعين
والوقت ياصاحي مطية بلا زمام = ما له ضمان... يسير بالزين والشين
عزي لمن دربه ملي ن بالاسقام = من وين أوجِّه بس ياوقت من وين
فكرت بالدنيا كما بعض الاقوام = وعرفت بن الموت له وقت ويحين
يامى نزل في قرم ساطيٍ ومقدام = ورْجال في وقت اللوازم شياهين
ويامى عثا في روس قوم ٍ وحكَّام = راحوا كما حلم ٍ توارى عن العين
وحنا بعدهم نسرج الخيل قدام = ولا حانت الفرقى مشينا ملبِّين
كل ٍ بياخذ مع هك الدرب مهزام = وياتي بعدنا ناس ماهم قليلين
ونبقى تحت ذيك الجنادل والاكوام = رهن العمل واللي جنينا من سنين
يارب ترحمنا ليا حان الاقدام = وتلطف بنا لا لحدَّونا المسلمين
واقفوا اهلنا بالحزن هم والارحام = يبكون والاجواد حضروا معزِّين
واخيرهم منهو دعالي ليا قام = واللا البكى ما رد للشيعة حسين
وصلوا عدد ما ذعذعن طرق الانسام = على نبي ٍ بيَّن الحق تبيين

عبدالعزيز بن دخيل الله الحربي

صح ا لله لسانك
قصيده جزله من رجال جزل
لاهنت يالقرم
قواك الله

نص رائع وجزل


صح لسانك ودام ابداعك


سجل اعجابي ومتابعتي

بيض الله وجهك ولاهنت رائعه من
شاعرمبدع وجزل ومتمكن بكل جد
صح الله لسانك على هالاكثر من جميله

تحياتي

السلام عليكم ورحمة الله وبركاته
سلمت ودمت أخوي الشاعر عبدالعزيز دخيل على القصيدة جزله ورائعه وصح لسانك
أخوك ابوساره

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

سلمت وصح الله لسانه

قصيده وافيه من وافي

لا هنت

وتقبل تحياتي

بن فرهود الحربي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح ا لله لسانك
قصيده جزله

صح لسانك ملاييييين وعسى عمرك سنيييين



جزله من جزل



تقبل تحياتي واحترامي