ربعي حماة الدين يومنها سود،،،،واحكامها ضرب السيوف الصقيله

بسم الله الرحمن الرحيم


اخوووواني هذي قصيده قديمه لكن ان شاااء ستنااال استحسانكم واعجااابكم

بديت بسم الله والله محمود=محمود فوق العرش عينه بصيره
الحمد لله كل مانحمده زود=زاد النعم فوق العباد الفقيره
البارحه هبت عليه هواء النود=واشعلت من فوق المشاريف نيره
الدله اللي تجعل الراس مقعود=فنجالها مايقعد الراس غيره
فكري بعد سليتها جابلي فود=وامسيت هاكالليل عيني سهيره
واليا ذكرت الناس طقيت بالعود=جمر الغضا يالين يلقى مصيره
ياليت بعض الناس ماهو بموجود=اللي مع الشعبان يشعب حميره
بعض العرب مقرود مقرود مقرود=لاجاب عوجا قال ياناس خيره
وبعض الجماعه كنه السيف محدود=مع سلته تفرج علي العسيره
وبعض الجماعه كنه المزن بالجود= وبعض الجماعه بندقي والذخيره
ربعي حماة الدين يومنها سود =واحكامها ضرب السيوف الشطيره
واللي تمنى ان الجهل كله يعود=لو عاد ذل ابا اليدين القصيره
تبيني اعلمك بالعلم ياحمود=تحمد الله بعد حكم الجزيره
الله رزقنا في حكومة بن سعود=والله جبر كسر اليدين الكسيره
مرحوم ياعودن حكم قبله العود=انا اشهد ان العود جاب الكبيره
وانا اشهد انه عقب نمور وفهود=يشهد له التاريخ والله نصيره
يالله عسا باب العنا عنه مسدود=ويالله عساله جنة الخلد ديره

وسلامتكم

صح لسانك قصيده رائعه
من شاعر مبدع

تحياتي

صح لسانك ياتركي ..

قصيدة جميلة .. أسجل إعجابي بها ..


وبعض الجماعه كنه السيف محدود
مع سلته تفـرج علـي العسيـره
وبعض الجماعه كنه المزن بالجود
وبعض الجماعه بندقي والذخيـره

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

الشاعر/ تركي الحربي
الله الله على هذه القصيدة الجزله ... صح لسانك و بيض الله وجهك

صح لسانك وعلا شانك

صح لسانك ياتركي...
وفيت ووكفيت قصيدة رائعه
وننتظر منك الجديد..

	المشاركة الأصلية كتبت بواسطة تركي العبيد

	واللي تمنى ان الجهل كله يعود=لو عاد ذل ابا اليدين القصيره تبيني اعلمك بالعلم ياحمود=تحمد الله بعد حكم الجزيره الله رزقنا في حكومة بن سعود=والله جبر كسر اليدين الكسيره مرحوم ياعودن حكم قبله العود=انا اشهد ان العود جاب الكبيره وانا اشهد انه عقب نمور وفهود=يشهد له التاريخ والله نصيره يالله عسا باب العنا عنه مسدود=ويالله عساله جنة الخلد ديره وسلامتكم

وانت سالم

صح لسانك

قصيدة رائعة

والله يعز حكومتنا ويرزقهم البطانة الصالحة الناصحة.

الله الله عليك

صح لسانك



لاهنت


تقبل تحياتي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك