ردي على الشاعر محمد عياد العروي

قصيده لشاعر محمد عياد العروي

: سلامي سلام معايده فيه تبريكات
هذا عيد وحضور الاجاويد عيديني

عسا الله يجمعكم على الخير والطاعات
ويبعد عيون اهل الحسد والشياطيني

على قول ابن دومان في طيب الابيات
هذول السواعد والتمم والسعاديني

زحول الرجال اللي لهم بالوغى وقفات
حزام الظفر في ساعة العسر والليني

ولن جا نهارن فيه صوله وبه جولات
هل البيرق السامي بكل المياديني

ولاصاحت الصيحة ولابانت الشدات
علي الحرام مطوعين المعاديني

ولاقيل ولد محمد وبانت
الرايات
لهم بالوفا رايه على المذهب الزيني

ولن راحت علومن طويلات والا جات
لو انه حضر واحد كفا عن ملاييني

ويشهدلهم تاريخ محفوظ وروايات
على العز والنوماس والطيب والديني
وباخر كلامي ياهل العز والصملات
سلام وتحيه ياعسا العيد عيديني



رد سعد المحمدي

: تهيض ولد عياد في ندرن جزلات
وانا اقول يامحمد على الراس والعيني
كلامك ياراع الاوله كنه اجنيهات
وصلنا مغلف بالوفاء من وفييني
على شاشه الجوال جاني قبل ساعات
قريته وقلت الله على رده ايعيني
هلا مرحبا ماهي سواليف عبر الشات
بها يابن عروه يرجحن الموازيني
عن الولد فيها يامحمد لكم نفحات
من العود الازرق والنفل والرياحيني
ياشبل الرجال اللي لهم بالوفاء بصمات
قبيله جهينه ملحقين المخليني
لهم مع شفيع الخلق عزوات وفتوحات
بهم نصرت الاسلام في بدر وحنيني
قبيله لها هيبه وجيره واهل عادات
ماقول الكلام بدون قيس ومضاميني
ترا هرجة الرجال قالو بدون اثبات
سماجه وماتنقال وسط الدواويني
تقبل تحياتي فدا راسك الشمات
كبير الشدوق اللي به الشك والبيني
عن العلم الابلج فيه حوصه وفيه اسبات
ونهار العوافي حد شلفا وسكيني

صح السانك وبيض الله وجهك

وجهك ابيض
يانديم المجره

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحب الباقي
صح بدنك وجهك ابيض

والنعم بالجميع
صح الله السنتكم
لاهنتم
ونصين من اجمل المراسلاات
الاخوانية الرااقية
الله يجمل حالكم
بالعلم الغانم

صح السانك والسانه
والنعم بالجميع

الكحيله
صح الله بدنك
وسلمتي على المرور الاجمل

عامر الحربي
صح بدنك

صح لسااااااااااانك ولسان زميلك