ياعسى قلب على الفرقى نوى / يمتلي بالهم لين انه يضيع

صبحكم الله بالخير جميع




ياعسى قلب على الفرقى نوى
يمتلي بالهم لين انه يضيع
ماعلى الدنيا طريق مالتوى
ولا على الافكار مخلوق يبيع
من طواه الهم يلقى له دوى
ومن بدى بالخير عزالله شجيع
طارت احلام الصغير بالهوى
قبل مايكبر وفيها يستطيع
لين مات من الفجيعه وانثوى
بين فقر وموتت اخوه الرضيع
وامه اللي مصها الجوع وروى
مالها حيله تراعيهم جميع
ليت مانملك يجمع له سوى
لجل مايصبح من الواقع فجيع
وليت مره قبل مالدمع يهوى
كل هالعالم على شانه يطيع
وليت مافالناس من طيب يحوى
لجل مايبقى على دربه منيع
وليت لكن ليت مافيها دوى
مات قبل انه يسامحنا جميع
مات والعالم على موته قوى
مات والعالم ماسوى له صنيع


عبدالعزيز مناور الرويثي الحربي

صح لساااااااانك ياذيب الحره
ابدعت بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك لاهنت
ابداع
\من اهل الابداع
لاغرابة

صح بدنك يابو هليل ووجهك ابيض يابعدي

وماعليك زود طال عمرك

الحب الباقي

صح بدنك ووجهك ابيض وماعليك زود طال عمرك

كحيلة حرب

صح بدنك شاعرتنا وماعليك زود

صح الله السانك وبيض الله وجهك
تقبل تحيتي

	المشاركة الأصلية كتبت بواسطة نديم المجرة

	صح الله السانك وبيض الله وجهك تقبل تحيتي

صح بدنك ووجهك ابيض يالامير

صح الله لسانك
ولاهنت
وسلم فكرك وبنانك
دمت برعاية الله وحفظة