قصيـــــــدة ... ومناسبـــــــــة

قصيدة قلتها بمناسبة
،
تعافي أحد الأقارب
،
عسى أن تحوز على رضاكم
،

سـلام منـي عـد وبل المخيلـة=وأعداد ما هل الحيـا في سهلها
وأعداد غيثٍ هل في أرضٍ محيلـة=وأحيا المدر والشيح وأحيا نخلها
من هاجـسٍ يسـري بليـا دليلـة=ويترك بيـوتٍ ما تجمل لأهلها
لاسـج ما يركب ذلـولٍ هزيلـة=ولايعسف الا خيل ما أحدٍ عدلها
وليـا تقـدم بالبيـوت الجـزيلـة=يمد من جزل الجـزايل جزلها
وإن قالها من فوق رأس الطـويلـة=في ليلـةٍ رب البريـة نزلهـا
أبـو محمـد دام ذخـر القبيلــة=من بعد رأس العود يبقى أملها
ماهي في حـق القـرم والله قليلـة=وعند العرب ما كل رجلٍ حملها
وقت اللـوازم والحمـول الثقيلـة=مايبـرك الا للحمولـة جملهـا
يوم العميـل أقفى وخلَّـى عميلـة=عقَّالهـا ذبت عن اللـي جهلهـا
ربعي هل الطالات وأهـل الجميلة=معروفهـم كل القرايب شملهـا
ميقافهـم أشفـى القلوب العليلـة=يوم المـواقف قرِّبت من جللهـا
الحـر حملـه لاثنـى يرتكـي له=وإن جات من جاهل يعدي زللها
وكلٍ على ما قيـل يلقـى حصيلة=إليا تخالـط جـدها مع هزلهـا
ومن شان بعض الناس مافيه حيلة =أقوالهـا ما تنعـرف من عملها
وقفت ميقـافي في ليلـة فضيلـة=وحسبي من الأمثـال طيِّب مثلها

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك يالافي وماتجيب الا الجزل

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي
،
صح بدنك
،
والله يعافيك
،
تحيتي

	المشاركة الأصلية كتبت بواسطة فايز الأحمدي

	صح لسانك يالافي وماتجيب الا الجزل

فايز الأحمدي
،
صح بدنك
،
لاهنت

صح لسانك على هالقصيده الجزله
بانتظار جديدك0

	المشاركة الأصلية كتبت بواسطة نداء الغيداني

	صح لسانك على هالقصيده الجزله بانتظار جديدك0

نداء الغيداني
،
صح بدنك
،
الله يحفظك
،
تحيتي لك

صح الله السانك


قصيدة عانقة السماء بجزالتها وأبداعها

تحياتي لك

صح لسانك ياخال

وبيض الله وجهك

العقيد

صح اسانك على هذه الجزاله
ويستاهل الممدوح بلا شك