مصافحة متواضعه للقبيلة

السلام عليكم ورحمة الله وبركاته
هذه مصافحة متواضعه في حق القبيله
اتمنى ان تحوز على رضاكم
واعجابكم

لا ماعلي خلاف مادمت من حرب = لي الشرف والعز لا قيل حربي
مادام لي ربع من الشرق للغرب = ماضاقت البيدا وربعي بدربي
مادام لي ربع ليا صابني كرب = بوجود ربعي زال همي وكربي
ربعي لهم فالمملكه موقف ذرب = موقف شرف موقف بطوله وذربي
حرابت الدولات ماهابت الحرب = الموت ماينهاب مشروب شربي
لوني بعد امثال بتعب من الضرب = ضرب امثله فيهم ولو جاد ضربي
اليا سمعت افعالهم انطرب طرب = هذي من افضاله على الخلق ربي
ارفع يديني واشكر الخالق الرب = اليا نشدني شخص ويش انت حربي؟

وسلامتكم
واعذروني على القصور
عبدالرحمن السعير

صح لسانك وعلي شانك اخوي عبدالرحمن

بيض الله وجهك على القصيده الجزله

وهلاوغلا فيك بين ربعك

الله الله

صح لسانك

بيض الله وجهكـ يالقرم

كثر الله من امثالك

جعل والديك بالجنة

والرجال اللي مايفتخر بقبيلته رخمه

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
ويامرحبا فيك بين اخوانك وربعك..
اخيك ابوروان

	المشاركة الأصلية كتبت بواسطة عبدالرحمن السعير

	السلام عليكم ورحمة الله وبركاته هذه مصافحة متواضعه في حق القبيله اتمنى ان تحوز على رضاكم واعجابكم لا ماعلي خلاف مادمت من حرب = لي الشرف والعز لا قيل حربي مادام لي ربع من الشرق للغرب = ماضاقت البيدا وربعي بدربي مادام لي ربع ليا صابني كرب = بوجود ربعي زال همي وكربي ربعي لهم فالمملكه موقف ذرب = موقف شرف موقف بطوله وذربي حرابت الدولات ماهابت الحرب = الموت ماينهاب مشروب شربي لوني بعد امثال بتعب من الضرب = ضرب امثله فيهم ولو جاد ضربي اليا سمعت افعالهم انطرب طرب = هذي من افضاله على الخلق ربي ارفع يديني واشكر الخالق الرب = اليا نشدني شخص ويش انت حربي؟ وسلامتكم واعذروني على القصور عبدالرحمن السعير

اخي الشاعر الكريم

عبدالرحمن السعير

اهلا بك معنا في صرح الملتقى

مع تمنياتي لك بقضاء اجمل الاوقا هنا

وصح لسانك على عزفك الأصيل

بإنتظار رائعه أخرى

ارق تحيه

اخوي الحب الباقي

صح بدنك ولاهنت يالغالي

شاكر لك مرورك وتواجدك

تقبل احترامي

اخوك

صح لسان و بيض الله وجهك

و هذا ممايدل على شجاعتك و فزعتك لربعك يالقرم

صح السانك وبيض الله وجهك على هالقصيده
شاعر يملك الاحساس والمعنى
ابيـات تستقـى روعتــها مـن معينـك وجمـال لا يعـرف ابجـدياته ســواك
جزله ووافيه وهذى سمة فى قصايدك .. دام مداد قلمك

صح لسانك وعلي شانك

بيض الله وجهك على القصيده الجزله

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..