2680قصر يشبه فالشكل بيت النحل.. محلول من سهم صح السانه

بسم الله الرحمن الرحيم

السلام عليكم ورحمة الله وبركاته
اخواني واخواتي الغز السابق الذي حله مستشارنا الفاضل حسين كنت حاطه على حل الغز هذا
لاكن شفت رمعة حسين (الرمعات) راكبه على الغز ولاحبيت اقول مااالك لواا لذا سويت الغز هذا على نفس الحل اتمنى يجوز للجميع

وش بناتٍ متعباتٍ للعقول = اتعبن واحد وواحد مابحل
ضيعن وقتي وانا رجلٍ ملول= قمت ادور ماتعديت المحل
وسط قصرٍ مستوي عرضه وطول= قصر يشبه فالشكل بيت النحل

وعليكم السلام ورحمة الله وبركاته

صح السانك يابو هليل على اللغز الجزل

وفي الحقيقة كل الغازك جزلة

بيض الله وجهك يابو هليل على اعتماد رمعتي في اللغز السابق


لانها طابقت مفاتيح اللغز رغم انها كانت مخالفة للرمعة التي قصدتها عند وضعك للغز


وهذا درس جديد نتعلمه منك يضاف للدروس السابقة في فن الالغاز

فجزاك الله كل خير



رمعة هذا اللغز

وش رايك في العلبة التي بداخلها فتحات سداسية الشكل
وانت تختار وحدة تضغطها وتكون فيها هدية

وهي تعتمد على الحظ

بعضها فيه هدية قيمة وبعضها هدية غير قيمة

مستشارنا الغالي حسين
حياكم الله وصح بدنك لاهنت مشكور
والحقيقه كلامك وسام واتشرف باشادتكم الله يطول عمرك
عندك لغزين والحل واحد
الرمعه ماصابت يالغالي

صح السانك يابوهليل على اللغز الجزل بيض الله وجهك.

جاري المحاوله

صح بدنك يابوفهد لاهنت مشكور

جااااري الانتضار

جيت اهيجن راكبن ظهر الذلول = وادعي الله التقي للغز حل
جبتها ايسار ماحولي حلول = جبتها ايمين والفكر ارتحل
قالي ياحسين وش رايك تقول = (هي اشارة للمرور ) في كل محل

صح لسانك يابوهليل وبيض الله وجهك على اللغز الجزل


وش تقول في الكلمات المتقاطعه

	المشاركة الأصلية كتبت بواسطة حسيـن

	جيت اهيجن راكبن ظهر الذلول = وادعي الله التقي للغز حل جبتها ايسار ماحولي حلول = جبتها ايمين والفكر ارتحل قالي ياحسين وش رايك تقول = (هي اشارة للمرور ) في كل محل

ياهلا ترحيب وافي بالزحول = يشبه لشوف الحيا بعد المحل
ردكم جاني عسى عمرك يطول= صافيٍ زلال ماجابه وحل
بس حلك مخطيٍ درب الاصول= مبعدٍ عنا بعد كوكب زحل

	المشاركة الأصلية كتبت بواسطة سـهـم

	صح لسانك يابوهليل وبيض الله وجهك على اللغز الجزل وش تقول في الكلمات المتقاطعه

صح بدنك يالسهم لاهنت مشكور

وصح لسانك مليون حلك صحيح بيض الله وجهك

صح الله السنتكم
لاهنتم