من ناصرين الطيب حرابة الكير

الحر له باعلى النوايف مواكير = والله على كل البرايا رقيبي
واللي يقابل رايد الخير بالخير = اليا دعى الداعي يجيب المجيبي
واللي ليامن زل ساق المعاذير = صلى على وجه الرسول المنيبي
جعل السحاب اللي مزونه مزابير = يمطر على دارن سكنها الحبيبي
في سوقكم ياغاليين المساعير = اشري من الغالي ولابه غريبي
والمرجله ماهي بحمر الدنانير = كسبتها من حظي ومن نصيبي
واللي شرابه من قراح الشخاتير = مايضيق صدره بالمجال الرحيبي
اقوله وبالمقبلات التباصير = والعلم يبدي للفهيم اللبيبي
من ناصرين الطيب حرابة الكير = نصرة نبيه والجناب المهيبي
العزوه اللي للاكارم مناصير = ريف الضيوف وسقم عين الحريبي
لاجيت دار مدلهين المسايير = على بني حرب المدايح تصيبي
في غبة التاريخ مثل البوابير = بجال المراسي دون شكن وريبي
كرر سلامي للوجيه المسافير = ماهيفت شمس السما للمغيبي
على بني حرب الرجال المناعير = تفرق طليبن باللقا عن طليبي
اليوم في ظل السيوف البواتير = نسل الامام مطوعين الصعيبي
عبد العزيز مكسر الشرك تكسير = وبحكمه المرتاب مايستريبي
كلن براحه مع حياة التياسير = والشر ماهو للمسره قريبي
والحق واضح مايبيله تفاسير = والله على خلقه وكيل وحسيبي

صح لسانك يارامي عافاك الله

	المشاركة الأصلية كتبت بواسطة ابوهليل

	صح لسانك يارامي عافاك الله

صح بدنك عسى الله يعافيك

صح لسانك
وبيض الله وجهك

	المشاركة الأصلية كتبت بواسطة نديم المجرة

	صح لسانك وبيض الله وجهك

صح بدنك ووجهك ابيض

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك ابيض

صح بدنك ولاهنت

	المشاركة الأصلية كتبت بواسطة ابوهليل

	صح لسانك يارامي عافاك الله

صح بدنك ولاهنت