ياجماعه عندي البارح شرود

ياجماعه عندي البارح شرود=سالفه هات العلوم ودها
مايفصل ثوبها غير الردود=من يبي كف اليدين ومدها
والصراحه ماتزل عن الحدود= وكلمتٍ تحرج بهلها بدها
والدليل اللي توثقه الشهود=حجةٍ يرجا السعد من عدها
في مجال حي والوقت محدود= مايجوز ان الصغار نعدها
والمخاصم مايبا رجلٍ جحود=وثقه بني الامال وهدها
والنقاش البرحي مثل نقود=والزريق ألها كماين سدها
تنتحي مع كل هنداب وتعود=فرجتٍ ياضن ماحدٍ سدها
ثغرته تسكيرها يفحا الجهود=يوم فاتت قال باالله ردها
من بغا يستد لايصحا الرقود=لايحسبن المكانه قدها
يابنادم منت لضيق محدود= السعه لرجل ربك مدها
تستهين مجربٍ يوف الوعود=سالفه لهل السوال نردها
طقها في ضل مقربت الحود=تكسر العضم الصليب بحدها
لاتبرى مسنحانين هبود= ماتروح الا الذلول بشدها
من سلايل ربعتٍ يوم الحشود= سربتٍٍ زخم الجموع اتصدها
لين سلمت الولا عند السعود=لشيوخ اللي عريبن جدها
غازي االزغيبي=

الشاعر الكبير/غازي الزغيبي صح السانك والقصيده مشفره في محور التكتيك ودمت بخير..

الشاعرسندالعريمه
صح بدنك وبيض الله وجهك
على مرورك

تسجيل تواجد في منبر الجزاله
صح لساانكـ
بيض الله وجهك

الشاعر
غازي الزغيبي
صح لسانك

الشاعر
غازي الزغيبي
صح لسانك وبيض الله وجهك

الشاعر القدير غازي الزغيبي صح لسانك الله يعافيك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ﻻهنت

الشاعر القدير
غازي الزغيبي
قصيدة رائعة تميزت بمفردتها وسلاسة نهجها فالمبنى
وتعمقها فالمعنى
صح لسانك وبيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك وشكرالك ع الورور