نعمٍ بابو متعب إحزام العقيده * الحاكم العادل على كل تدبير

بسم الله الرحمن الرحيم

بالواقع الملموس نكتب قصيده=
=إيجاز للواقع حقيقه وتصوير
بالتجربة نكتب أمورٍ عديده =
=من كثر ما شفنا من الشر والخير
أول زمنّا يمشي السيل سيده =
=وتخضر ضفاف الأوديه والعثامير
واليوم سيل اليوم محدٍ يريده=
=سدّوا طريقه حايشين الدنانير
أهل الجشع وأهل النفوس المريده =
=من فعلهم صرنا سوات العصافير
ما همهم جرح الوطن مع صديده=
=ولاهمهم دمعٍ تحدر شخاتير
كلٍ يحسّب مكسبه وش رصيده=
=ويعطي عن الجوده ملخص وتقرير
بالكذب عايش والمهايط يزيده=
=ويمرر الكذبه على الناس تمرير
مير البقى باللي إفعوله سديده =
=حلال عسرات الليال المعاسير
نعمٍ بابو متعب إحزام العقيده=
=الحاكم العادل على كل تدبير
ونعمٍ بسلمان الوفاء هو عضيده =
=راسه خلايا جد حكمه وتطوير
لهم تحايا من ضميري عديده =
=عداد همال المزون المزابير
وعداد نبتٍ بالفياض الطريده=
=لا شعشعٍ بالوان زين النواوير
وأجمل تحيات العريمه جديده =
=وعسى الوطن يبقى على العز والخير

الشاعر/ سند مسند العريمه.

شاعرنا القدير سند العريمه

قصدت فاجدت صح لسانك وبيض الله وجهك

أهلا ومرحباً بكم يا أبو هليل وصح بدنك ولاهنت
ومبروك عليكم هالخير وحنا بالشرقية أبشرك جانا خير ولله الحمد.
تحياتي وتقديري لكم ودمتم سالمين.

الشاعرالكبيرسندالعريمه
صح السانك

شاعرنا الكبير/غازي الزغيبي صح بدنك قصائدي يجملها اطلاعك عليها وإطلاع مثلك وشرواك
تحياتي وتقديري لكم ودمتم بخير وسعاده...

بسم الله الرحمن الرحيم

بالواقع الملموس نكتب قصيده
إيجاز للواقع حقيقه وتصوير

بالتجربة نكتب أمورٍ عديده
من كثر ما شفنا من الشر والخير

أول زمنّا يمشي السيل سيده
وتخضر ضفاف الأوديه والعثامير

واليوم سيل اليوم محدٍ يريده
سدّوا طريقه حايشين الدنانير

أهل الجشع وأهل النفوس المريده
من فعلهم صرنا سوات العصافير

ما همهم جرح الوطن مع صديده
ولاهمهم دمعٍ تحدر شخاتير

كلٍ يحسّب مكسبه وش رصيده
ويعطي عن الجوده ملخص وتقرير

بالكذب عايش والمهايط يزيده
ويمرر الكذبه على الناس تمرير
صح اسانك يالعريمه كلام واقعي وصحيح

الشاعر سند العريمه
صح لسانك وعتلا شانك
قصيده جزله من شاعر جزل
الله يبيض وجهك على الطرح الرااااااقي
تحياتي وتقديري

صح لسانك بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اخي الطالب صح بدنك وبيض الله وجهك مرور مميز دائما. دمت بخير..