بين ساري الغدرا وابوروان النويمي

06-10-06, 01:35 PM

ابوروان النويمي=
سلام ياللي تبون العلم وانتم بعيـد=ماضن علم(ن)يجي للناس مع بابها
يالساري الغدرا تقدم وقلبك حديـد=لا تسري ياساري مار جاك طلاابها
ساري الغدرا=
مرحبابك قولها وهات العلم الاكيد=الحقايق ثابته والدليـل كتابهـا
اتقدم لك وربك يدبـر مايريـد=كل قاله عندنا جاهز(ن)جوابهـا
ابوروان النويمي=
سويتلك مشكله خربت فيها العصيد=والناس زعلت ومن يدفعلها احسابها
حنا نبي نصلب الرجال يوم الوعيـد=لنكان جبت الحقيقه هانت ارقابهـا
ساري الغدرا=
أنا ما اشكك في احد ياعسى رايك سديد=والمشاكل ماتجي والعن اللـي جابهـا
كان عينك يامساعد تناظر فـي سعيـد=أنا عينـي ماتلـد الا فـوق اهدابهـا
ابوروان النويمي=
انتا علامك تقوله وانت قلبك شديد=ياكبرها من علوم(ن) وانت ادرابها
ياساري الليل مسراكم ترى يوم عيد=لاتنظر الناس مثل الرهو واسرابها