في مناسبة عتق رقبت خالد العلوي

عند ما سمعت إن خالد نجا من القتل والمبلغ المطلوب تم لله الحمد والشكر أولا وأخرا
لقد وقفت قبيلة حرب موقف بطولي يسجله التاريخ في حروفٍ من ذهب في عتق رقبة خالد
مقابل ثلاثون مليون , ومنهم رجال تميزوا وصاروا ابطال هذا الموقف ومن ضمنهم
صلاح الزبالي الذي قام في تسديد أخر المبلغ جزاه الله خير وعوضه عن ماله الجنة ,
لقد هاضت المشاعر وحضر الشعر ليتوّج هذا الموقف البطولي في هذه القصيدة :

كتبت في بيض الصحايف دموعي = بشعرٍ حضر لعتاق خالد تولم
يوم اعلنوا تمت فلوس الطموعي = وخالد نجا وصبح به الشمل ملتم
قام القلم بحروف حبره يزوعي = من مفرداتٍ بالمشاعر تداحم
ياقاف سجل كل حرفٍ بطوعي = شعرٍ بجزلات المعاني تفلهم
المبلغ اللي كان كثره يروعي = في قدرة الله ثم رجال الوفاء تم
نعم القبيلة طيبين الجموعي = حرب الحرايب فارجت كربة الهم
لبن الزبالي نوري ياشموعي = بالفزعة اللي في قرى المجد ترقم
قولٍ بلا فعلٍ قليل السنوعي = وقولٍ على فعلٍ به الحق يختم
ياحرب يارجال الوفاء ياربوعي = كل القبايل في وفاكم تكلم
المعجزة يشهدبها كل نوعي = ينطق بها الابكم ويسمع بها الصم
انتم كما غيثٍ كريم الرجوعي = ينثر على البيداء قراحٍ من اليم
من غب سيله للبشاير طلوعي = نبته على صدور الفيافي امعمّم
يرفع لكم في عاليات الفروعي = الموقف اللي طول الايام ماايذم
يوم ان خالد بين حق وقطوعي = ومصقلٍ جرحه اليا بان مالتم
خصمه عنيد ودون حقه جزوعي = حقه امصيب ويطلب الدم بالدم
استسلم الحربي لهمٍ يلوعي = منه الضماير في حشاها تصرّم
قصة حزن منها تذوب الضلوعي = تذوب منها مهجت الخال والعم
ابوه حدر الجاثمات الركوعي = ومّه حشاها من افراقه تحطّم
قاموا قبيلة حرب حبس الدروعي = مقام عزٍ غطرفت عقبه الأم
وقفت شرف لها تصن السموعي = اتعلم اللي للوفاء ماتعلّم
ياخالد بوع الأرض بالعيد بوعي = عيد بمان الواحد الحي الأرحم
كنك بروس النايفات المنوعي = امشمرخاتٍ عن طمان الوطى شم

الحقيقه سعادة القبيله لاتوصف برجالها وشاعرمثلك وصف المشاعر الحمدلله والشكر للجميع

الشاعر الكبير
نافع الحربي
صح لسانك وعتلا شانك شاعر جزال
الله يبيض زجهك وهذا ليسى غريب عليك التفاعل مع الحدث الكبير
بقصيده من افضل ماقريت بهذا الموضوع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وانت سالم وغانم


صح لسانك على هالرائعه

يوجه الله يوجه الله
هنا الجزالة والله انهاتسطر بما ء الذهب
كفيت وفيت
ونعم في حرب

وصح السانك وبيض الله وجهك

	رحم الله والديك وكثر الله من امثالك صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

صح لسانك يانافع
قصيده رايعه بيض الله وجهك

الحمد لله على جزيل فضلة
واكتمال المبلغ المطلوب قبل المدة المحددة
واعتاق رقبة خالد الحربي
ولاهي غريبة على حرب
والله يجزا كل من تبرع خير
صح السانك لاهنت
على الجزالة
شاعرنا القدير
نافع الحربي
وفايف استرز

اخواني وخواتي الكرام اشكركم جزيل الشكر كلا بسمه
قد سرني حضوركم في متصفحي بيض الله وجيهكم ولا عدمناكم
لكم أطيب تحية وتقدير :