يابــــــــــو عــــــمـــــــر,,,,,,,,,,,,

بسم الله الرحمن الرحيم

قصيدة ارسلتها للشاعر عبدالله سعود الحنيني الحربي..

يابو عمر ياصاحبي دوك الابيات=خبري فهيم ولاتبي لك تفاسير
كتبتها باهل النفوس الثقيلات=لعلهم فدوة مواطيك يامير
ناس(ن)بنوا لاجل المصالح صداقات=اهداف خلت لك معزة وتقدير
وكل يهلي بك على طول الاوقات=يوم انتهوا صفوا بضدك طوابير
اهل النمايم مفسدين العلاقات=لا..خير في رفقة هالاشكال لا..خير
عاداتهم بلحوم الاموات تقتات=وقلوبهم نجسة سواة الخنازير
وعاداتنا رد الجزيلة جزيلات=بالطيب نجزي صاحبه دون تأخير
والهرج ماحرك من الراس شعرات=ماغير فضح بأسود الوجه ماغير

وهذا رد ابوعمر...

حي البيوت المحكمات النقيات=من شاعر(ن)يشبه لابو زيد والزير
مازن ولد معجب زبون الونيات=لعل يفداه الردي نافخ الكير
اللي مسوي في حياته مهمات=ومهمته قلب الحقايق وتزوير
تزوير ماكنه بقلبه ومرضات=من يكرهه لاجل الذهب والدنانير
اليا لفا ضميان ساق الجميلات=واليا شرب جازاك في هدمت البير
ولاهل النمايم والمصالح علامات=تبين لو يحسن لها بالتدابير
واليا عرفت اهل النوايا الخفيات=عن ارضهم اشلع مثل شلعت الطير
لو شفتهم واجد تراها سهالات=ماغيرت خزاز..لفح المعاصير

وسلامتكم.......................

صحت الالسن وطابت القلوب
ودمتم بود

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صحت السنتكم وبيض الله وجيهكم


لكم تقديري

صح الله السنتكم

لاهنتم

دااوجودك

بدع ورد رائع

ابو باسل
ابو عمر
صحت السنتكم
داام هالتميز
احتراامي

هلا بك يابو باسل الشاعر القدير مازن الغيداني
صح لسانك على ها الجزله اللي ماهي غريبه على شاعر بحجمك
ابداع في ابداع ماكتبت يابوباسل
وصح لسان الاخ الشاعر عبدالله سعود الحنيني على هاالردالوافي
لاهنتم

ابو باسل
ابو عمر
صحت السنتكم
وسلمت يالغالي

وانت سالم
صح السانك الشاعر مازن الغيداني
وصح السان الشاعر عبدالله سعود الحنيني

عبدالله سعود الحنيني الحربي
مازن معجب الغيداني
صح الله اسنتكم على القصائد الجزله
والمميزه *****
لله دركم من شاعرين
جزلين
تحياتي وتقديري