ألقيت هذه القصيدة في حفل ضيافة الشيخ ((محمد بن غالي الذروي ))فديو

السلام عليكم ورحمة الله وبركاته
ألقيت هذه القصيدة في حفل ضيافة الشيخ ((محمد بن غالي الذروي ))
شيخ قبيلة الذرا من حرب
الذي كان في استضافة قبيلة الزواهرة من الذرا من حرب

أقبل الهاجس كما وبل السحاب=بعد دنتبي خواطر كالرعود
تسقي الضميان وتزيح السراب=تروي أهل العرف مع كل الوجود
وأكمل الترحيب في نص الخطاب=من ضير فالمواقف كالحيود
لرجال اللي لهم عز وحساب =في بنوك العز لا بنوك النقود
مرحبا بربوعنا بيض الثياب=الذرا اسم ومسما له شهود
في حلال زويهر اللي مايهاب=وزعته بين العرب سهم الأسود
ديرة خضرا ومعذوب الشراب=وجيرة الهذلان مكسب به نزود
ورسمنا ثابت على ذيك الهضاب=بالعزيري نفتخر بين الوفود
وسمنا معروف وتحميه الرقاب=فوق نوق حمر موروث الجدود
ومع عيال محمد صقور وذياب =حلف ابن مجنون نرقابه سنود
ألف ومية وتسع هجري في كتاب =يوم كل وثق اسمه فالبنود
عصبة دايم تغلق كل باب=بالمكارم وإن تناخينا بوقود
وأنت أبونا يالذرا عد وجواب=واسمنا واحد كما العد الورود
وجدنا حرب الذي شامخ بناب=وكل قبايل حرب أخوان وسنود
حرب درع الصدر وللسيف النصاب=كم حريب ابفعلها ولا شرود
من زبنها فالصعيبة دوم طاب=السنود بفعلهم يصبح مهود
سعد من قال الحروب إلنا انتساب=قوم مجد وقوم طيب وقوم جود
وأنعم بكل القبايل ما تعاب=كل قوم فيهم عيال الفهود
وكلنا في حكم ابن ذاك العقاب=المليك اللي إلى العليا يقود
والوطن دونه فدا شيب وشباب=كلنا في خدمة بلادي جنود
دار فيهاالشرع صافي ما يشاب=وسنة الهادي لنا سد وحدود
وعد ذوب النحل في روس الوقاب=ذكر خير الناس وبهديه نسود